جويد الساس | اداء خالد ال بريك | كلمات حمد عبيد الهديبي | حصري 2024

Описание: حفل زواج | مشاري عابد المقاطي


ما لمحت الا يدين الذيب من سله كفوفه
يوم فزت به كشف كل اربعه و الراس عالي

نظرة العين ابدت الفعل الدفاعي من وقوفه
ما درا اني مثله اقضي معظم اوقاتي لحالي

اتركوني في حياتي شي من واقع ظروفه
في عيونه علم لو انه يجاوب عن سوالي

من يصد النوم لين اشعة المشرق تشوفه
مثل ذيب المجمر الي تعرفه سود الليالي

ما نوى يمهلني وغادر جعل ماهوب خوفه
و استحليت الجبل والضلع والوادي فضالي

الله الله يوم حول ذب من مرّ معطوفه
مع طرف ديرة بني عمي شمال ً من خوالي

كن حس اقدامه اليا ناشت الارض معزوفه
صوتها باني عليه البيت والقاف استوالي

القريحه من يصالي نارها يشعم حروفه
ما تبي بنت الزناتي غير ابو زيد الهلالي

من هقابي هقوت الجود اتقرب من شفوفه
يعتزي له كل بالي من جهتنا لا يبالي

يدري مشاري بناخينا زواجه ما نطوفه
البناخي والله انه عندنا بالحيل غالي

نفرح بشروه من زود المعزه و المروفه
و يتهنى و يتبارك والسعد فاله وفالي

ياجويد الساس طيبك يعجب الطيب وصوفه
ودي أسهب في تفاصيله وعد الي طرا لي

نفسك من الحشمه تصدرك ماهي بالزهوفه
ترفعك عند البعيد وترفعك عند الموالي

. اللحن الثاني


انت ابن عابد واخو سرحان والروس معروفه
بالهلاء و المرحبا مع كل من جاها تغالي

عاد ابن ماطر تقول إن الكرم مخلوق جوفه
السجايا طيبه والصدره من طيبه شمالي

مرحبا ترحيب وافي ما نسي واجب ضيوفه
عزوته ذوي هديب مكملين أول وتالي

من يواليهم لقى الحلان بالرحب محفوفه
عاشت بيوت ً كرمها واقعي ماهو خيالي

يوم كداد الهلل ما تقضب السفره خروفه
ينحرون الي تغطي سفرته حمر الزوالي

الهديبي ما بخل يوم العدو مشهر سيوفه
حط روحه فوق كف الموت ماهوب تكالي

فزعة المستفزعه مخلي ظهر كل معسوفه
واحدن لا قالو الهيه يقول المر حالي

راعي الحق الجري للحين ما شاب معروفه
جمل أسم العزوتين وحقق النصر المثالي


حمد عبيد الهديبي


مونتاج برق الحجاز

مكة, السناب: tsmim1 التيك توك: brq_0


#شيلات #اكسبلور #جديد #ترند #تصميمي #شعر #قصيد #قصايد #مجرور