MamurjonOkay – Do‘st (Lyric video)

Описание: Bu qo‘shiq — do‘stlik, sinov va insonning ichki kurashi haqida.
Hayot yo‘lida ba’zan og‘ir sinovlar, adashilgan manzillar va yolg‘iz kechalar uchraydi. Ammo aynan shu lahzalarda yoningda qolgan inson — chin do‘st bo‘ladi.

Olovda sof bo‘ladigan oltin kabi, inson ham mashaqqatlar ichida o‘sadi. Bu trek o‘sha haqiqatni eslatadi: ba’zan achchiq so‘z ham najot, ba’zan oddiy maslahat esa butun bir yo‘lni o‘zgartirishi mumkin.

Agar bu satrlarda o‘zingizni topgan bo‘lsangiz — demak, siz ham hayot darslarini his qilgan insonlardansiz.

MamurjonOkay – Do‘st

Do'stlik nishonasi balolardan, ofatlardan, mashaqqatlardan xursand bo'lish emasmi?
Do'st oltin kabidir. Balo esa olovga o'xshaydi. Asl oltin olov ichida sof holga keladi.

Qonagan tovonimni orzularga bossamam,
Yurmagan ishlarimni chap yelkamga ortamanmi?
Bilmadim, erta-indin o‘z yo‘limni topamanmi?
Qadarimga rozi bo‘lsam, men, albatta, o‘saman.

Do‘st bo‘ladi ilhaq bo‘lib qilsa qisqa ma’viza,
Yaratganga shukur ayt, deb eslatgani mo‘jiza.
Bunday inson bir keladi fevralda 30 kelsa,
Shukur qilay, do‘stim menga to‘g‘ri yo‘lda yur, desa.

Sozandalar bir keladi, kuy qiladi, o‘ynatadi,
Kayfiyatni ko‘taradi-yu, pulin olib ketadi.
Do‘st qoladi maslahat oshin solib,
Achchiq haqiqat bo‘ladi kelajak uchun g‘olib.

Qani o‘yla, izla, top,
Ro‘zg‘oring teshigin yop.
Illatlardan nariroq yur,
Ruhingni qayta uyg‘ot.

Yordam bermaydi, tutun
Hidlama hatto kukun.
Aldama o‘zing, bilaman-ku tarixi qancha uzun.

Bugun tugamas iztirob bilan qolaman yolg‘iz,
Ko‘zlarimni ko‘r qilgani yetmagandek, qalbim hatto ojiz.
Nahotki, endi qolmagan ilojisi,
Bu temirdan tuzoqni qo‘riqlaydi tuyg‘ularning ovchisi.

Kimlardir ko‘rsatadi yo‘l,
Shamg‘alat qiladi ko‘zim.
Bu sahroda xuddi bordek ko‘rinadi ko‘l,
Aldamadim deb turadi, ko‘zlarida tuyg‘u nol.
Nahotki, inson qadri o‘lchanadi bo‘lsa bo‘ldi pul?
Do‘st degani og‘ir kunda bilinadi,
Bilinmasa-da, ba’zida mushkuling oson qiladi.
O‘zi to‘ymasayam, osh-ovqatidan ilinadi,
Do‘st asli balki shunday suyanch bo‘ladi, togʻ boʻladi