Hafiz Baxış - Bizim dost itirən vaxtımız deyil

Описание: Şeir: Hafiz Baxış - Bizim dost itirən vaxtımız deyil
Səsləndirmə: Əminə Yusifqızı

Biraddımla'ya YouTubeda abunə olmaq: https://bit.ly/3gsJpm1

Biraddımla'nın sosial şəbəkə ünvanları:
Instagram: https://bit.ly/3gsKkms
Facebook: https://bit.ly/3GoODKl
TikTok: https://bit.ly/3r3sAHt
Telegram: https://bit.ly/3unQMn8
E-poçt: [email protected]

HAFİZ BAXIŞ - BİZİM DOST İTİRƏN VAXTIMIZ DEYİL

Gəlin itirməyək dostları, qardaş!
Onsuz da çox deyil yaxşı dost, sirdaş.
Dostluq qalasından bir kərpic, bir daş
Uçurub aparır hər saat, hər il
Bizim dost itirən vaxtımız deyil!

Bir könül həmdəmi tapana qədər
Can evi illərlə olur dərbədər.
Var-dövlət dünyada gəlib də gedər,
Hər şeyə göz yumub dosta et meyil
Bizim dost itirən vaxtımız deyil!

Tutmursa xasiyyət, tutmursa ürək,
Havayı duz dadıb, kəsməyək çörək.
Dostun hər cövrünə qatlaşıb gərək,
Olaq yaxşısına, pisinə qayil
Bizim dost itirən vaxtımız deyil!

Onsuz da qısadır, dönükdür ömür,
Tale biz deyəni həmişə demir.
Ey dost, biz nə daşıq, nə də ki, dəmir,
Əsl dost yolunda ikiqat əyil
Bizim dost itirən vaxtımız deyil!

Dünyanı tutub ha qalan deyilik,
Əbədi məskən də salan deyilik.
Ömrü bir də satın alan deyilik,
Dostluqda hər anın qiymətini bil
Bizim dost itirən vaxtımız deyil!

Canını istəsə, dosta qurban de,
Dərdinə çarə qıl, ona dərman de.
Dost sənə "çor" dese, sən ona "can" de,
Düşməni dost edir xoş söz, şirin dil
Bizim dost itirən vaxtımız deyil!

Hafiz, dar ayaqda dosta ol dayaq,
Dostluğu müqəddəs bir nemət sayaq.
Fitnə-fəsadlara məhəl qoymayaq,
Çəkək nankorların gözlərinə mil
Bizim dost itirən vaxtımız deyil!

Tahir Abbaslı:
“Dost sənə çor desə, sən ona can de,
Düşməni dost edir xoş söz, şirin dil
Bizim dost itirən vaxtımız deyil!” kimi bəndlərilə insanları həmişə dostluğa çağırırdı görkəmli şair Hafiz Baxış.
Onun dostlarından biri də mən idim. Təxminən 10 il AzTV-nin ədəbi-dram verilişləri baş redaksiyasında çalışdıq. Sonrakı dost-tanışlarımıza bir-birimizi “mənim rejissorum”, “mənim redaktorum” deyə təqdim edərdik. Hansı mövzu ki daha poetik, daha şairanəydi rejissor qrafasına dərhal onun adını yazdırardım. Həmin verilişlərdən birinin (“Dünyamıza misra-misra baxıram”) ssenarisini oxuyan Hafiz müəllim çəkiliş obyekti kimi Şüvəlandakı Zəfəran sovxozunu seçdi. Ertəsi gün həmin ünvana yollandıq və proqrama dəvət etdiyimiz şairlərdən ikisi H.Baxışın bu zövqünü alqışlayıb, elə oradaca o obyektin gözəlliyini vəsf edən şeirlər yazdılar.
Həmin o verilişdən iki il sonra 1989-cu il sentyabrın 4-də məlum hadisələrin növbəti bəd xəbəri münasibətilə (1988-1989-cu illərdə Zəngəzurda və tarixi türk torpaqlarında bir nəfər də olsun, azərbaycanlı qalmadı. Həmin ağrılı-acılı illərdə şair doğma el-obasının, dədə-baba torpaqlarından zorla deportasiya olunmuş soydaşlarının dərin acısını duyurdu) Azərbaycan Radiosunun akt zalında növbəti bir etiraz yığıncağı keçirdik. Orada milli ağrılarla dolu çıxış edənlər də oldu, sovetanə danışıqlar edənlər də. Lap ön sırada oturub, ikinciləri dinlədikcə hirsindən bozaran Hafiz Baxışa söz veriləndə o, tribunaya sarı sanki qoşquda irəliləyirdi. Heç iki kəlmə deməmiş şairin rəngi qaralmağa başladı. Çıxışını yarımçıq kəsib oturduğu yerə tərəf addımladı. Birtəhər əyləşdi və iki-üç dəqiqədən sonra dünyasını dəyişdi.
Vəfatının üçüncü günü mən onun haqqında bir veriliş hazırladım. Həmin Şüvəlan kadrlarından da istifadə etdim. Həyat yoldaşını danışdırmaq çox çətin oldu - “...danışın, bir də ona görə ki, danışdıqca sevinc çoxalır, kədər azalır,”-desəm də.Mən o verilişi imzasız, titrsiz verdim efirə.
“Səni tək mən yox, hamı çox istəyir deyə, bu verilişə imza atmıram” dedim və əlavə etdim ki, “Bəs deyirdin “bizim dost itirən vaxtımız deyil”, niyə belə etdin, - özü də əbədi?!”
#hafizbaxış #bizimdostitirenvaxtimizdeyil #emineyusifqizi #biraddimla #biraddimlayol