مرثية الشاعر سامي الغانمي في جده الشيخ صالح بن عبدالعزيز | اداء منير البقمي
Автор: أبو فيصل الغامدي
Загружено: 2023-05-15
Просмотров: 2155
Описание:
الحزن لا مر الفواد و تمثناه
جدد معاناته و نوخ ركابه
من كثر ما ذقت التعب و المعاناه
ما عاد للدنيا بصدري رحابه
تضج روحي كل ما قلت وجداه
و تبين في وجهي رسوم الكآبه
أحس قلبي يتقطع من اقصاه
من كثر ما واجه و من حر مابه
و أحس في راسي متاهه و مضماه
و ليلاً لو ابغى اسريه ما ينسرى به
تبوني اسلا كيف ابسلا يا بوياه
و أنا اليتيم اللي تجدد مصابه
فقدت ضلعاً كنت أجيو و أتذراه
يزيد في قدري شموخ و مهابه
شيخاً من فعوله طروقه مخلاه
و سيفاً على ضيم الدهر ينبدا به
يا طيب راسه يا رجاجيل طيباه
يبطون ما واحد يعوض غيابه
أول وصايا ابوي و آخر وصاياه
امشي على منهجه و احسب حسابه
تعصف بي افكاري ليا جات ذكراه
و يلج قلبي و يتزايد عذابه
للحين اجي في مجلسه و اتحراه
أسمع صدى صوته و أطارد سرابه
هنا بقايا سجدته في مصلاه
و هنا صدى ترحيبته عند بابه
يحنني حتى و انا أحب يمناه
اشفق لشوفه و اتحالى جوابه
يخاف لو يمدحني انغر و اعصاه
اذا اعجبه فعلي يكثر عتابه
الاعجاب في وجهه ليا سولف اقراه
في نظرة عيونه وفي ضحك نابه
بغا يشجعني لكن ماعد امداه
قفى و جاه الموت واخلا زهابه
انا لي الله وانت ودعتك الله
يا أغلى فقيداً ما يعوض غيابه
#سامي_الغانمي #مرثية #منير_البقمي #الشيخ_صالح_عبدالعزيز
Повторяем попытку...
Доступные форматы для скачивания:
Скачать видео
-
Информация по загрузке:
