Raffaele Timpano - San Bruno Jiacuniedhu

Описание: San Brunu Jiacuniedhu è un canto processionale in dialetto serrese che viene cantato alla fine del Rosario di San Bruno, un canto che tutti i serresi, me compreso conosciamo da sempre, purtroppo non sono più tantissime le persone che lo ricordano, quindi ho ritenuto opportuno mettere in rete questo video che possa rimanere come traccia di questo bellissimo canto. Un grazie particolare per la disponibilità alla Signora Sara che oltre a fornirmi il testo in dialetto serrese (che allego sotto) mi ha dato la possibilità insieme alle altre signore presenti, di poter effettuare le registrazioni necessarie.

San Bruno Jiacunieddu

Mimuoria di sta menti tieniria
Cu tutti li mie siensi spirituali
A nuomu di Dio e di la Vergini Maria
Cu vui eccillenza nci vurria parrai
San Bruno ghiacunieddu si partiu
Di li parti di francia assai luntanu
Cu grandi amuri e disideriu avia
Alli muntagni di Santa Maria
Chiddi eranu muntagni assai sulagni
Antichi tiempi duvi si dicia
Nu ghiumi ammienzu chi spartia la via
Non si curava ch'era assai fundali
Mu si l'abbagna li sue carni nudi
E alli carni sue spini pungenti
Lu sangu nei curria cuomu cannali,
non vi ndi meravigghiati a buoni aggenti
ch'è sangu di San Brunu veramenti
San Brunu ch'è nu Santu sanguinosu
Sangu di Santu Brunu gloriosu
Chi vi pinsati lu ghiurnu ca facia
E ntra nu lagu ndinucchiuni stava
Chi vi pinsati la notti ca facia
Supa a na petra la sua vita stava
Supa a na petra steza nu gran tiempu
Lu guvirnava lu Spiritu Santu
Conti Ruggieru circandu lu ghia
Non sapia di chi muodu mu lu trova
Nu ghiornu fu spiratu di Maria
Vitta li sue livrieri ndinucchiuni
Lu vitta setti parmi atu di terra
Cu nu libbru alli mani chi lijia
E lu cavallu di Conti Ruggieru
Nci ficia rivirienza e turnau arriedi
O Conti o Conti non t'appagurari
Ca ghio sugnu San Brunu veramenti
Ca ghio sugnu allucatu a chisti canti
Pi non esseri visti di l'agenti
Si veramenti San Brunu Vui siti
Cerca chi grazzia vue e ti sia concessa
Vuogghiu na chiesa pi Santa Maria
Natra la vuogghiu pi santa Anna mia
Natra la vuogghiu pi putiri stari
Cu tri migghia di via di prucissiuoni
E tutti quanti l'apuostuli ddani
Na vota l'annu la vaghiu a visitari
E dieci ghiuorni duoppu l'ascinziuoni
Citu li ceramieddi sciali e suoni
Nu sparamientu mu ndi fa trimari
Ca di lu mpiernu scatina dimuoni
E li malati li fa stari sani
Mbiatu cui di stu Santu ha divuzziuoni
Lu paradisu non ci po' mancari
E cu la dicia tri buoti la notti
Non po' muriri mai di mala morti
E cu la dicia tri buoti la ddia
Va mparadisu cu Matri Maria
E cui la dicia di vennari a dighiunu
E ava quindicianni di pirdunu
E cu la dicia e cui la vo sintiri
Pieni di mpiernu non ddi po'patiri
Candili d'uoru e canditi d'argientu
A bui San Brunu mio vi l'apprisientu
Candili d'uoru e candili d'argientu
A bui San Brunu mio vi l'apprisientu.