მუზეუმების საერთაშორისო დღე - აუდიო გიდის წარდგენა ილია ჭავჭავაძის ლიტერატურულ-მემორიალურ მუზეუმში

Описание: 2023 წლის 18 მაისს თბილისის მუზეუმების გაერთიანების – ილია ჭავჭავაძის ლიტერატურულ – მემორიალურ მუზეუმში პროექტის „მეტი ინოვაციები და საზოგადოებრივი ჩართულობა თბილისის მუზეუმების გაერთიანებაში“ ფარგლებში მომზადებული ილია ჭავაჭავაძის ლიტერატურულ – მემორიალური მუზეუმის აუდიო გიდის წარდგენა გაიმართა.

პროექტის ფარგლებში მომზადდა ილია ჭავჭავაძის ლიტერატურულ-მემორიალურ მუზეუმში ორენოვანი თანამედროვე, საერთაშორისო სტანდარტების შესაბამისი აუდიო გიდის სისტემა და დაინერგა ახალი ტექნოლოგიები, რაც სამუზეუმო თხრობის გამრავალფეროვნებას და დამთვალიერებლისათვის მეტი კომფორტის შექმნას უწყობს ხელს. აუდიო გიდების მეშვეობით, დამთვალიერებელს შესაძლებლობა ეძლევა მისთვის მისაღებ ენაზე ინდივიდუალურად წარმართოს სამუზეუმო ტური.

პროექტი “მეტი ინოვაციები და საზოგადოებრივი ჩართულობა თბილისის მუზეუმების გაერთიანებაში” დაფინანსებულია bp-ის მიერ სოციალური ინვესტიციების პროგრამის ფარგლებში.

პროექტი ხორციელდება კონსულტაციისა და ტრენინგის ცენტრის (CTC) და თბილისის მუზეუმების გაერთიანების თანამშრომლობით.

პროექტის მიზანია, ხელი შუწყოს თბილისის მუზეუმების გაერთიანებას ისეთი სიახლეების დანერგვაში, რაც საშუალებას მისცემს გააფართოვოს აუდიტორია, განავითაროს საგანმანათლებლო სერვისები და უზრუნველყოს ექსპონატების უკეთესი დაცვა.

ღონისძიებას დაესწრნენ თბილისის მუნიციპალიტეტის მერიის, თბილისის საკრებულოს, bp-ის სოციალური ინვესტიციების პროგრამისა და კონსულტაციისა და ტრენინგის ცენტრის (CTC) წარმომადგენლები და სხვა მოწვეული სტუმრები.