Peace Forum at Nay Pyi Taw (18 January 2020)

Описание: နေပြည်တော်မှာ ကျင်းပတဲ့ ငြိမ်းချမ်းရေးဖိုရမ်မှာ ပြည်သူတွေ ဘယ်လိုမေးခွန်းတွေ အဓိကမေးမြန်းခဲ့သလဲ
======================================================
တိုင်းရင်းသားလူမျိုးရေးရာ ဖွံ့ဖြိုးရေးနဲ့ သုတေသနအသင်း (CDES) က ဦးဆောင်ကျင်းပတဲ့ ၄၅ ကြိမ်မြောက် ငြိမ်းချမ်းရေးဖိုရမ်ကို နေပြည်တော်ကောင်စီနယ်မြေရှိ သင်္ဂဟဟိုတယ်မှာ ဇန်နဝါရီလ ၁၈ ရက်နေ့က ကျင်းပခဲ့ပါတယ်။

အဲ့ဒီဖိုရမ်ကို အရပ်ဖက်အဖွဲ့အစည်းတွေ၊ နေပြည်တော်အနီးဝန်းကျင်က ပြည်သူတွေ အပါအဝင် ပဲခူးတိုင်းဒေသကြီးက ပြည်သူပေါင်း ၂၀၀ ကျော် တက်ရောက်ခဲ့ကြပါတယ်။
အဲ့ဒီဖိုရမ်မှာ လက်ရှိ ငြိမ်းချမ်းရေးဖြစ်စဉ်နှင့် အနာဂတ်အလားအလာတွေနဲ့ ပတ်သက်ပြီး MIGS အဖွဲ့ရဲ့ နည်းပညာအကြံပေးဖြစ်သူ ဆရာမ ဒေါ်ခင်မမမျိုး နိုင်ငံရေး လေ့လာသုံးသပ်သူ ဆရာ ရန်ကျော်၊ စာရေးဆရာဖြစ်သူ ဆရာ နောင်ကျော်နဲ့ CDES ရဲ့ သုတေသနတာဝန်ခံ ဒေါက်တာ မိုးစက်တို့က ဦးဆောင်ဆွေးနွေးခဲ့ကြပြီး တက်ရောက်လာတဲ့ လူငယ်အချို့က ငြိမ်းချမ်းရေး၊ မြန်မာပြည်အရေးကိစ္စတွေအပေါ် အခုလို မေးမြန်းခဲ့ကြပါတယ်။

တိုင်းရင်းသား လူမျိုးရေးရာ ဖွံ့ဖြိုးရေးနဲ့ သုတေသနအသင်း (CDES) ဟာ ဒီမိုကရေစီ၊ ဖက်ဒရယ်နဲ့ ငြိမ်းချမ်းရေး စတဲ့ ကိစ္စရပ်တွေကို သင်တန်းတွေ၊ ဖိုရမ်တွေကို ကျင်းပပြီး ပြည်သူတွေအကြား အသိအမြင်ဗဟုသုတတွေ ပြန့်ပွားလာစေဖို့ ရည်ရွယ်ပြီး မြန်မာနိုင်ငံနေရာအနှံ့မှာ တစိုက်မတ်မတ်လုပ်ဆောင်နေတဲ့ အဖွဲ့အစည်းဖြစ်ပါတယ်။