Ndërhyrje delikate në zemër, kirurgu i mirënjohur austriak në Spitalin Amerikan

Описание: Një ndërhyrje delikate në zemër u realizua në shërbimin e kardiokirurgjisë në Spitalin Amerikan 1. Operacioni u krye nga kardiokirurgu Andi Kaçani dhe kirurgu i mirënjohur kardiovaskular nga Viena, Prof. Guenther Laufer, me një përvojë të gjatë në këtë fushë.

“Patëm fatin të kemi në spital profesor Gunter Lafer, i cili është shefi i shërbimit të kardiokirurgjisë në Vienë. Një personalitet nga më të shquarit në Europë. Unë kam patur fatin të punoj në një periudhë të gjatë me të kur kam qenë për specializim në Vienë dhe kemi një bashkëpunim me Spitalin Amerikan. Sot kemi pasur mundësinë të kryejmë interventin e parë, kemi edhe të dytin, zëvendësimin e valvulës së aortës me hapje të vogël, vetëm në pjesën e sipërme të gjoksit, që është një risi për spitalin tonë dhe një teknikë që ul shumë ditëqëndrimin dhe periudhën post operatore dhe sigurisht kërkon një performancë më të madhe. Shpresojmë që Prof.Laufer të ketë mundësi të ketë bashkëpunime të tjera në të ardhmen. Ky është një hap më lartë për shërbimin tonë dhe njëkohësisht një dritare e mirë për ne për të patur bashkëpunim më të madh me Spitalin e Vienës”, u shpreh Dr.Kaçani.

Prof.Laufer vjen për herë të parë në Tiranë dhe u shpreh i surprizuar nga shërbimi që ofrohet në Spitalin Amerikan.

“Mund të them që spitali ka infrastrukturë të mirë, staf shumë profesionist dhe punohet me pajisje me standard shumë të lartë për operacionet. Jam i befasuar, është me të vërtetë një spital shumë i mirë. Është hera ime e parë që marr pjesë në një operacion të tillë këtu në Tiranë, në Spitalin Amerikan. Është ide e mirë të kemi bashkëpunim në të ardhmen. Jam shumë i kënaqur dhe i emocionuar që të bashkëpunoj me Andi Kaçani, ashtu si edhe në të kaluarën, 20 vite më parë, në Austri, ku u trajnuam për ndërhyrjet kardiovaskulare. Prandaj jam i lumtur që edhe njëherë na është dhënë mundësia të punojmë së bashku”, tha kirurgu austriak.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!
#spitaliamerikan