Hymnus - Adoro te devote

Описание: Momento straordinario di preghiera in tempo di epidemia
Piazza San Pietro, 27 marzo 2020

Moment of prayer and “Urbi et Orbi” Blessing presided over by Pope Francis
St Peter's Square, 27 March 2020

Moment extraordinaire de prière en temps d'épidemie
place Saint-Pierre, 27 mars 2020

Momento extraordinario de oración en tiempos de epidemia
Atrio de la Basílica de San Pedro, 27 marzo 2020

Momento extraordinário de oração presidido pelo Papa Francisco
Adro da Basílica de São Pedro, 27 Março 2020

Andacht und Sondersegen zur Zeit der Epidemie
Vorplatz des Petersdoms, 27 März 2020

Hymnus - Adoro te devote
Text: Thomas Aquinas

Adoro te devote, latens Deitas,
Quae sub his figuris vere latitas:
Tibi se cor meum totum subiicit,
Quia te contemplans totum deficit.

Visus, tactus, gustus in te fallitur,
Sed auditu solo tuto creditur.
Credo quidquid dixit Dei Filius:
Nil hoc verbo Veritatis verius.

In cruce latebat sola Deitas,
At hic latet simul et humanitas;
Ambo tamen credens atque confitens,
Peto quod petivit latro paenitens.

Plagas, sicut Thomas, non intueor;
Deum tamen meum te confiteor.
Fac me tibi semper magis credere,
In te spem habere, te diligere.

O memoriale mortis Domini!
Panis vivus, vitam praestans homini!
Praesta meae menti de te vivere
Et te illi semper dulce sapere.

Pie pellicane, Iesu Domine,
Me immundum munda tuo sanguine.
Cuius una stilla salvum facere
Totum mundum quit ab omni scelere.

Iesu, quem velatum nunc aspicio,
Oro fiat illud quod tam sitio;
Ut te revelata cernens facie,
Visu sim beatus tuae gloriae. Amen