Дінтану негіздері сабағының сағат саны көбейтілуі мүмкін

Описание: 9-сыныптарға енгізілген Дінтану негіздері сабағының сағат саны көбейтілуі мүмкін. Қазір жылына отыз төрт сабақ өткізіліп келеді. Келер жылы оқу бағдарламасы жетілдіріліп, оқушылар жаңа оқулықтармен оқытылатын болады.
Себебі әр бала діннен хабардар болып, ақ пен қараны мектеп жасынан ажыратып өсуі керек. Депутаттармен кездескен Дін істері агенттігінің басшылары осылай деді.
Басқосуда ұлтаралық келісім мен конфессияаралық ынтымақтастық мәселесі де сөз болды. Қазір агенттік ел азаматтарының діни сауатын арттыру мақсатында жер-жерде ақпараттық-түсіндіру жұмыстарын жүргізуде.
Еліміз бойынша мұндай топтардың саны -- 500. Былтыр 1 миллион 300 мың тұрғынмен кездессе, биылғы жылдың үш айында 330 мың адаммен тікелей тілдескен.
Марат Әзілханов, ҚР Дін істері агенттігінің төрағасы:
Біріншіден, еліміздегі мемлекеттік саясат, ұстанатын зайырлы қағидаттарымыз бен діни және адамгершілік құндылықтарымыз насихатталды. Екіншіден, Қазақстандағы, әлемдегі діндер туралы жалпылай мәлімет берілді. Үшінші мақсат - радикализм мен экстремизмнің алдын алу. Осы үлкен үш бағытта ақпараттық топтар жұмысын жасап жатыр.