Li-eu maqbaw-eu Baoq 24-10-2025 สิทธิอำนาจที่ไม่จำกัด

Описание: “Zaqyo-euq baqda’nae Aqda yawshaef khanqsaer za’ni, nawmaf, ngaq-euq tsawrmyanr-anr ghoe-awr kharshar-eu yawqjeq navluf ngar bi pyeuflar ma.”
(‭‭Yorhaq‬ ‭14‬:‭13‬)

Yeqsur Kali-euq tsawrmyanr lafkhoer nae aqdui mrnya-eu jeq li-eu. maqbaw-a Aqdui-euq ghaq, zaqsiq tsawrganr, uvlanr-eu jeq, hawr-eu Baoq-aq li-eu maqbaw-a, Aqjeqmirnae aernar-aq, aqdui-aq, Yeqsur Kali-euq danzar pyeuf-awr aqyawf-eu tsawrmyanr lafkhoer nae yawdaef daef-eu ma, aqdui yeqsur-euq tsawrmyanr lafkhoer nae yawqjeq navluf mrnya-eu ma, Teubaqda mirnae Nawr khaqduq ni yaghae-eu mae, nuighaq taqbaq, Aqjeqmirnae aernar-aq yeqsur Kali Nawq-anr ghaeqler-euq tsawrmyanr bifnaeq -euq mae

Aqdui nae gui-euq yaerbof ardeuv-anr tiqpov pargui siq. “Zaqyo-euq baqda’nae Aqda yawshaef khanqsaer za’ni, nawmaf, ngaq-euq tsawrmyanr-anr ghoe-awr kharshar-eu yawqjeq navluf ngar bi pyeuflar ma.”laer aertaq-euq mae, Li-eu maqbaw ni Baoq anr-eu tsawrmyanr-aq. Yeqsur Kali-euq tsawrmyanr jav-eu taefmae, noeqtmq-eu jeq maqjav-aer maq pyeufler nya-eu jeq-anr bi pyeufler nya-eu Baoq anr-eu mae, Heu-aq muiqdui dui-eu jeq mae

Teubaqda mirnae yaerbof-eu lafkhoer aertaq-euq. “Khoermirnae, Miqyaer, aqyawf-anr taqhuiq taqmanr naeq-awr, aqyawf-anr tsawrmyanr dawqtawv luf-euq navmaqtser gordzaeq-eu tsawrmyanr bifnaeq-euq mae. Mq-euq khoertav, mirtsaq-euq khoertav hawr-eu mirtsaq-euq dawqdan khardaef kharjawr-eu jeq, Yeqsur-euq tsawrmyanr-anr yawqghaq navluf pawqtsuif pawqdmq yadmq taef-a. Khoeruqtaf, Aqda Miqyaer-euq yawshaef khanqsaer za’ni, maeqlar yawqlar navluf, Yeqsur Kali-aq, Sanqpaq Miqyaer mae laer ya aerdov taef-a.”laer aertaq-euq mae
(‭‭Pirlirpiv‬ ‭2‬:‭9‬-‭11‬) khoernar-aq (Maqkuv 16:17-18) heulof-aer paraer taq-euq mae “Jan-eu tsawrhaq deuq-aq, bisiq bimawr-eu jeq heudeuq mrdovlaf taef-a. Aqyawfmaf, ngaq-euq tsawrmyanr-anr ghoe-awr naef-anr taedov taef-a. Aqyawfmaf dawqbav yawshuif deuq bav taef-a. Aqyawfmaf, arlawr-anr nyaefnya-awr, dzardof dawr ngae tiqjeq-iq maq pyeuflar-ar. Aqyawfmaf, nar-awr gawr-eu tsawrhaq-euq khoertav aqlaf bafdavnaeq ngae, tsawrhaq khoerdeuq taqler taef-a.”laer aertaq-euq mae.

Heu-aq yawshaef khanqsaer sanrdui duieu mae, Aermawf-eu nar-aq, Yeqsur Kali-euq tsawrmyanr lafkhoer nae .Nawr, aqgeupaw dzerdzaq-anr. nae maqaer bisiq bimawr-eu jeq hawr-eu sarkir kamq-eu jeq javnya-eu mae, Teumirnae Nawr, Beqtuvluv nae kuirkuv lafkuv kuv-eu zaqyo aqli khoerghaq-anr Yeqsur kali-euq tsawrmyanr lafkhoer nae cawqtur-awr laer aernaeq-awr aqyawf cannya lar-euq garkaw-anr ghovshaw lar-euq taef-a, (Ghaqkhaer 3:1-8) lafkhoer guiler nya-eu mae

Naef saqdaq maq lavtsoeq nya-a, zaqyo aqli khoerghaq cawqdir laf-awr aqjox-aer cannya lar-euq la? Yeqsur kali-euq tsawrmyanr baqda nae mae! Sanqpaq Yeqsur-euq tsawrmyanr-aq tsawrmyanr yawqmyanr navluf nav maqtser huiqdzaeq-eu mae, Aqyawf-eu tsawrmyanr-euq lafkhoer Nawr yawqjeq navluf-anr ghaqler nya-eu mae, Teumirnae mirtsaq-eu khoertav dzoeqdzaq mr-awr uvlanr-awq, Miqyaer guiqlanq-anr jaceuq ma!

Guiqlanq Shardawq
Gaqdui dui-eu Aqda Miqyaer-or, Yeqsur Kali tsawrmyanr lafkhoer anr-eu Baoq gharduq guiqlanq huiqma, Ngamaf Yeqsur Kali-euq tsawrmyanr lafkhoer nae mirtsaq-eu khoertav dzoeqdzaq mr-awr, uvlanr-eu ma, Ngamaf Naef taedov-awr, nar-eu gawr-eu tsawrhaq-anr nargawr lavsav-eu uqtaf ghaqler-euq lafkhoer yawdaef daef-eu ma, Ngamaf-eu ghaqduq maqpyeuf lernya-eu tiqjiq-iq maqjav-a, Aqjeqmirnae aernar-aq. Ngamaf yawshaef khanqsaer sanrdui dui-eu tsawrmyanr khoermyanr-euq lafkhoer yawdaef daef-eu ma, Ngamaf-anr muiqdui dui-eu Yeqsur kali-euq tsawrmyanr heumyanr bizmq-awr yawqnan navluf ghaqler-eu lafkhoer yawdaef bidaef naeqlaf-eu mirnae guiqlanq huiqma, Yeqsur Kali tsawrmyanr lafkhoer nae shar-eu ma. Aqmeq

Heugar guilanq nya-eu mae

Ghaqkhaer 3:6/ Maqkuv 16:17/ Pirlirpiv 2:9-10

#คนที่ถูกสร้างใหม่ #คริสเตียนอาข่า #อาข่าในประเทศไทย #คนอาข่า #เพลงคริสเตียนอาข่า #มานาประจำวัน #saflafdzar #kalizaq