Ramazon soʻngi kunida ibodat qilish | Hal qiluvchi lahzalar

Описание: Ramazon madrasasi

"Hal qiluvchi lahzalar"

Imtihon topshirayotgan kishi avvalda beparvo bo'lsa-da imtihonning oxirgi daqiqalari yaqinlashgan sari uning harakati tezlashadi.. uyqusi qochadi..
Miyya faoliyati tezlashib esida yo‘q javoblar ham esiga kela boshlaydi..

Sportchilarda ham shunday. Futbolning oxirgi daqiqalari.. Yugurish musobaqasining oxirgi daqiqalari eng hal qiluvchi daqiqalar..

Insonga xatar vaqtida keluvchi yordam ham shunday. Eng oxirgi daqiqalarda yetib keladi.
Alloh taolo aytadi:
"Qachonki Payg'ambarlar ham umidsizlanib, biz yolg‘onga chiqarildik deb o‘ylab qolganlarida bizning nusratimiz keldi.. "
(Yusuf.110)

Dars:
Ramazonning oxirgi kunlarini ham huddi shunday tasavvur qil. Unda marraga yetish uchun oxirgi lahzalarni g‘animat bil..
Xususan odamlar "erta hayit" deb sovg‘a-salom, kiyim-kechak, pishir-kuydir bilan mashg‘ul kecha 29-kechani g‘animat bil. U kecha eng hal qiluvchi lahzalardan..
Chunki u kecha odamlar g'ofil qoladigan kecha. 27 - 30 - kechalar oralig‘i. Bunday vaqtlarda ibodat qilish ajri buyuk.
Rasululloh dan nega sha'bon oyida ko‘p ro‘za tutishlari sababi so‘ralganda aytdilar :
"Chunki u oy odamlar undan g'ofil qoladigan oy. U Rajab va Ramazon orasidagi oy"
(Nasoiy)

Yana aytdilar:
"Tunda odamlar uxlab yotgan paytda namoz o‘qinglar "
(Ibn mojah)

Demak odamlar ibodatdan g'ofil vaqtlarda ibodat qilish hamma qilgan vaqtda qilishdan afzal ekan.

Hal qiluvchi lahzalarni g‘animat bil..
Zero, xotima go‘zal bo'lsa, bidoya yomonligi zarar bermaydi..

Rasululloh sollallohu alayhi va sallam aytdilar:

"Amallar xotimasi bilan.."

(Ahmad)

#ramazon #ibodat #abdullohzufar #abdulloh_zufar #laylatulqadr #taqvo