Edicioni i Lajmeve Tv Klan 28 Janar 2026, ora

Описание: Lajme, #edicioniinformativ ora 19:30, 27 Janar 2026 #TvKlan #klanlajme

Spiker: Reic Çiço

Headlines

Rama: produktet “Made in Albania”, pasaportë për BE. Mbështetje për certifikimin e produkteve
Një platformë e re është vënë në funksion të eksportuesve. Kryeministri Edi Rama u shpreh se produktet “Made in Albania” janë një pasaportë për në BE dhe premtoi mbështetje për certifikimin ndërkombëtar të prodhimeve shqiptare.

Shtyhet mbledhja për imunitetin e Ballukut. Kuvendi: presim GJK-në. Berisha: grusht shteti
Shtyhet për një afat të pacaktuar mbledhja e Këshillit të Mandateve, ku do të shqyrtohej kërkesa e SPAK për imunitetin e Ballukut. Kuvendi thotë se do të presë vendimin e Gjykatës Kushtetuese. Berisha e cilëson këtë një “grusht shteti”.

Votohen ndryshimet në Kod. Dekriminalizohet shpifja për gazetarët, burg për parkimin dyshe
Kuvendi votoi sot në orët e para të mëngjesit ndryshimet në Kodin Penal. Ato parashikojnë dekriminalizimin e shpifjes për gazetarët dhe trajtimin e parkimit dyshe si vepër penale, kur pengon ambulancat, zjarrfikëset dhe policinë.

Shqipëria, zyrtarisht anëtare e Bordit të Paqes. Renditet mes 27 vendeve themeluese
Shqipëria është bërë zyrtarisht anëtare e Bordit të Paqes. Në një njoftim, Bordi thotë se mirëpret vendin tonë si një nga 27 vendet themeluese të kësaj organizate të iniciuar nga presidenti amerikan, Donald Trump.

Aksidenti në Rumani me tifozët e PAOK. I plagosuri: furgonit iu bllokua timoni
Një problem teknik dyshohet se është bërë shkak i aksidentit në Rumani, që u mori jetën shtatë tifozëve të PAOK, mes të cilëve edhe një shqiptar. Një nga të plagosurit tregoi se shoferit iu bllokua timoni, duke e bërë të pamundur kthimin e mjetit brenda korsisë.

Plakja e popullsisë i heq Shqipërisë 0.6% rritje ekonomike në vit. Ekspertët: më pak punëtorë
Tkurrja dhe plakja e popullsisë po kthehen në një kërcënim serioz për ekonominë shqiptare. Ekspertët evidentojnë se kjo sjell mungesë të fuqisë punëtore, duke i hequr ekonomisë së vendit tonë rreth 0.6% rritje ekonomike në vit.

IGJEO: priten reshje dhe shtrëngata në 24 orët e ardhshme. Situata më problematike në pesë qarqe
Autoritetet paralajmërojnë se në 24 orët në vijim priten reshje intensive dhe shtrëngata në vendin tonë. Shkodra, Kukësi, Durrësi, Vlora dhe Gjirokastra konsiderohen qarqet më të rrezikuara nga përmbytjet.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/