Të Pasurit | Personi i vitit 2021 | Elon Musk, njeriu që do Tokën e do na dhurojë Marsin | Top News

Описание: Njeriu më i pasur në botë, nuk ka një shtëpi dhe kohët e fundit ka shitur shumë prej atyre cfarë zotëron. Ai lëshon satelitë në orbitë dhe i lidh me diellin; ai nget një makinë që e ka krijuar vetë, që nuk përdor gaz e madje nuk ka nevojë as për një shofer. Me një të kërcitur të gishtave, bën që edhe bursat të dridhen e spërdridhen. Një armatë të devotshmësh varen nga cdo hapje goje e tij. Ai ëndërron marsin ndërsa beson tek toka. Kohët e fundit, Elon Musk, pëlqen madje të postojë në tëitter edhe sa herë shkon në tualet...

Kështu, e nis prestigjozia Times, artikullin e saj, në të cilin përshkruan njeriun që ajo e shpalli si personi i vitit 2021.

“Sapo hodha disa miq në pishinë”, informonte 50 vjecari multi miliarder 66 milionë ndjekësit e tij në Tëitter mbrëmjen e 29 nëntorit, pasi më herët kishte këshilluar se të paktën gjysma e postimeve të tij shkruheshin mbi tualetin prej porcelani. Pas një intervali prej vetëm 21 minutash, mbërrin edhe një update-im: “Pllaq, plluq”.

“Ndonjëherë unë kap disa nota kumbuese për sa i takon humorit”, thotë Musk për postimet e tij naive. Është një ditë e nxehtë, dhjetori në Starbase, vendin ku ai ndërton dhe lancon raketat hapësinore në pjesën jugore të Teksasit. Dy nga raketat e tij Starship, shihen në sfond dhe përtej tyre edhe perëndimi...”Por, ju e dini, jo të gjitha shakatë funksionojnë”.

Ky është njeriu që aspiron të shpëtojë planetin tonë dhe madje të na gjejë edhe një tjetër planet ku të jetojmë: klloun, gjeni, ekscentrik, vizionar, industrialist, shoumen, kopuk, një version hibrid e pak i cmendur i Tomas Edisonit e të tjerëve si ai, një lloj njeriu-zot që shpik makina elektrike dhe shkon në planetin Mars. Kompania e tij e raketave, Space X, ka lënë pas Boeing dhe të tjera për të marrë në dorë të ardhmen e eksplorimeve hapësinore. Kompania e tij e makinave, Tesla, kontrollon dy të tretat e tregut shumë miliarda dollarësh të makinave elektrike ku vetë ajo ka qenë pioniere dhe vlerësohet se vlen mbi 1 trilionë dollarë. e kjo e ka bërë Elon Musk, me një pasuri prej më shumë se 250 miliardë dollarësh, është qytetari privat më i pasur në histori, ose të paktën në letër. Ai është aktor në robotikë, në energjinë diellore, në kriptomonedha dhe klimë, në impiante kompjuterash në tru për të zbrapsur kërcënimin e inteligjencës artificiale dhe në tunele nëntokësore për të zhvendosur njerëzit nga një vend në një tjetër në shpejtësi të jashtëzakonshme. Ai dominon Ëall Street-in.
“Mënyra se si funksionon financa tani është se gjërat e vlefshme nuk bazohen në rrjedhat e parave Kesh, por në afërsinë e tyre me Elon Musk – shkruante pak kohë më parë analisti i Bloomberg Matt Levine pasi një postim i vetëm i Musk në Tëitter, ngriti në stratosferë cmendurinë për bursat e memeve.

Musk ka shpenzuar një herë të tërë duke sfiduar ata që njihen si ‘Haters’: tani, duket se ai është më në fund në pozicionin e duhur për tu treguar vendin atyre. 2021 ishte viti i shpërthimit të Musk. Në prill, spaceX fitoi kontratën ekskluzive të NASA-s për të dërguar astronautët amerikanë në hënë për të parën herë që nga viti 1972. Në maj, Musk u shfaq në Saturday Night Live. Në tetor, gjigandi i makinave me qera, Hertz, njoftoi se planifikonte ti shtonte 100 mijë Tesla flotës së tij.

Pak javë më parë Elon Musk madje shiti edhe 10 për qind të aksioneve të tij tek Tesla, një proces që shkundi tregjet, i kushtoi atij miliarda dollarë dhe duhet të ofrojë edhe taksa të mjaftueshme mbi të ardhurat për të financuar departamentin e tregtisë në SHBA për një vit të tërë. Dhe shitja erdhi vetëm pas një sondazhi që vetë Musk hapi në Tëitter, e pasi disa senatorë liberalë propozuan të vendosnin taksa mbi miliarderët.

Shumë njerëz, konsiderohen më të mëdhenj se sa statura e tyre, por janë të paktë ata që e meritojnë këtë. Ashtu si Shekspiri do të thoshte për Jul Cezarin- është shumë më e lehtë të mbahesh mend për dicka të keqe që ke bërë se sa për dicka të mirë.
Sa prej nesh do të lënë një gjurmë në botë, apo edhe më shumë, një gjurmë në univers, për kontributin e dhënë...?



Ata janë vizionarë, jane guximtarë, kthejnë në ar çdo gjë që prekin.
Shpesh ëndërrimtarë e këmbëngulës...
Ndonjëherë të përkëdhelur nga fati, ndonjeherë të ngritur nga hiçi...
Janë ata që kanë ngritur perandori miliarda dollarëshe, ata që kryesojnë klasifikimet e më të pasurve të globit...
Janë ata qe nuk dinë tv ndalen e kërkojnë akoma më shumë…
Njihuni me më TE PASURIT e planetit!
Rubrika më e re në Top News
Çdo të Shtunë, Ora 17:15

Autore: Ardita Beçolli.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV

Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TePasurit#TopChannel