ထိုင်းတောင်ပိုင်းမှာ တစ်ညတည်း ဓာတ်ဆီဆိုင် ၁၁ ခု ပေါက်ကွဲမှုဖြစ် | People's Spring

Описание: ထိုင်းတောင်ပိုင်းမှာ တစ်ညတည်း ဓာတ်ဆီဆိုင် ၁၁ ခု ပေါက်ကွဲမှုဖြစ်

ဇန်နဝါရီ - ၁၁ ၊၂၀၂၆ ။People’s Spring

ထိုင်းနိုင်ငံက ဓာတ်ဆီဆိုင် တစ်ဒါဇင် နီးပါးလောက်မှာ တစ်ညတည်းနဲ့တင် ဗုံးပေါက်ကွဲမှုတွေ ဆက်တိုက် ဖြစ်ပွားခဲ့ကြောင်း သိရှိရပါတယ်။

ဇန်နဝါရီ ၁၀ ရက်နေ့ ညပိုင်းတုန်းက ထိုင်းနိုင်ငံ တောင်ပိုင်းနယ်စပ် ပြည်နယ်တွေမှာ PTT ကုမ္ပဏီပိုင် ဓာတ်ဆီဆိုင် ၁၁ ခုမှာ ပေါက်ကွဲမှုတွေ ပျံ့နှံ့ ဖြစ်ပေါ်ခဲ့တာပါ။

အဲဒီဖြစ်ရပ်တွေကြောင့် ထိခိုက်သေဆုံးမှု သတင်းတွေတော့ လတ်တလော မကြားရသေးပါဘူး။ ပြီးတော့ ဘယ်အဖွဲ့အစည်းတွေက အခုလို ဗုံးခွဲမှု လုပ်ခဲ့သလဲ ဆိုတာကိုလည်း မသိရသေးပါဘူး။

ထိုင်းရဲ့ ပြည်တွင်းလုံခြုံရေး ကွပ်ကဲမှု ဦးစီးဌာနက မလေးရှားနိုင်ငံနဲ့ နယ်စပ်ထိစပ်တဲ့ နေရာတွေနားက ဆီဆိုင်တွေမှာ မသမာသူတွေက ဗုံးထောင်ခဲ့ကြတာလို့ ပြောပါတယ်။ အခြေအနေကို ထိန်းသိမ်း ကိုင်တွယ်ဖို့ အာဏာပိုင်တွေက အပူတပြင်း ကြိုးစားနေတယ်လို့လည်း ဌာနက ထုတ်ပြန်ထားပါတယ်။

ပေါက်ကွဲမှု ဖြစ်ပွားခဲ့ရာ ဓာတ်ဆီဆိုင်တွေ တဝိုက်ကို လုံခြုံရေး အတွက်ရော၊ စုံစမ်းစစ်ဆေးမှုတွေ လုပ်ဆောင်ဖို့ အတွက်ပါ အသွားအလာ ပိတ်ဆို့ တားဆီးထားပြီး ထိခိုက်မှု ဘယ်လောက်များပြားသလဲ ဆိုတာကိုလည်း ဆန်းစစ်နေပါတယ်။

ဒေသခံတွေ အနေနဲ့ အန္တရာယ် ရှိနိုင်လောက်မယ့် နေရာတွေကို ရှောင်ကွင်းဖို့နဲ့ အာဏာပိုင်တွေဆီက ထုတ်ပြန်ချက်တွေကို နားစွင့်ကြဖို့လည်း နှိုးဆော်ထားပါတယ်။

ပေါက်ကွဲမှုတွေဟာ နာရာသီဝတ် ပြည်နယ်မှာ ၅ ခု၊ ပတ္တနီပြည်နယ်မှာ ၂ ခုနဲ့ ယာလာပြည်နယ်မှာ ၄ ခုတို့ဖြစ်ကြောင်း သိရပါတယ်။

ထိုင်းနိုင်ငံတောင်ပိုင်း ပြည်နယ်တွေမှာ ခွဲထွက်ရေး တောင်းဆိုတဲ့ လက်နက်ကိုင် အဖွဲ့အစည်းတချို့ ဖြန့်ကျက်လှုပ်ရှားနေပါတယ်။

ကိုးကား: Bangkok Post

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

  / subscribe  
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗧𝗲𝗹𝗲𝗴𝗿𝗮𝗺 - https://t.me/peoplespring

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA