Waziri Dkt. Stergomena Akabidhiwa Ofisi Rasmi

Описание: Waziri wa Ulinzi na Jeshi la Kujenga Taifa, Mheshimiwa Dkt. Stergomena Lawrence Tax (Mb), amekabidhiwa rasmi Ofisi pamoja na shughuli za Wizara. Makabidhiano hayo yamefanyika baina yake na Mheshimiwa Innocent Lugha Bashungwa aliyeteuliwa na Rais na Amiri Jeshi Mkuu, Mheshimiwa Samia Suluhu Hassana kuwa Waziri wa Ujenzi.
Makabidhiano baina yao yamefanyika leo tarehe 04 Septemba, 2023 katika Ukumbi wa Wizara - Mtumba jijini Dodoma, na kushuhudiwa na Menejimenti ya Wizara, tukio ambalo limeenda sambamba utiaji saini Hati ya Makabidhiano.
Akiongea na Menejimenti ya Wizara mara tu baada ya kumalizika kwa shughuli ya kukabidhiana ofisi, Mheshimiwa Dkt. Stergomena ameishukuru Menejimenti pamoja na watumishi kwa ujumla wao kwa mapokezi mazuri aliyoyapata alipowasili Wizarani hapo na kuwaomba wampe kila aina ya ushirikiano atakaouhitaji katika kutekeleza majukumu yake kama walivyofanya kwa mtangulizi wake.
Aidha, amemshukuru Waziri wa Ujenzi Mheshimiwa Bashungwa kwa kazi nzuri aliyoifanya kwa kipindi chote tangu alipomkabidhi ofisi tarehe 03 Oktoba, 2022 wakati alipoteuliwa kuwa Waziri wa Mambo ya Nje na Ushirikiano wa Afrika Mashariki, miezi kumi na moja iliyopita na kumhakikishia kuwa atayaendeleza yale yote aliyoyaacha.
Vile vile, Dkt Stergomena amemweleza Mheshimiwa Bashungwa kuwa, kwa anaendelea kuwa Waziri wa Wizara ya Ujenzi, ni matumaini yake kuwa wataendelea kushirikiana naye katika kulisukuma mbele guruduma la maendeleo ya Taifa katika kumsaidia Mheshimiwa Rais na Amiri Jeshi Mkuu katika kuliongoza taifa na kuwaletea maendeleo watu wake.
Naye, Waziri wa Ujenzi Mhe. Bashungwa amemshukuru Rais na Amiri Jeshi Mkuu, kwanza, kwa kazi nzuri anayoifanya ya kuiongoza vyema nchi yetu, pili, kwa kuendelea kumuamini na kumteua kuwa Waziri mpya wa Wizara ya Ujenzi na tatu, mbali na kumteua yeye, ameendelea kumuamini pia Dkt. Stergomena na kumhamisha kutoka Wizara ya Mambo ya Nje na Ushirikiano wa Afrika Mashariki ili aweze kumsaidia katika kuiongoza Wizara ya Ulinzi na JKT.
Waziri Bashungwa amemuahaidi Waziri Dkt. Stergomena kumpa ushirikiano wakati wote atapohitajika kufanya hivyo na kumtakia utendaji mwema wa majukumu yake. Aidha, amewahakikishia kuwa Wizara ya Ujenzi ni sehemu ya Jamhuri ya Muungano wa Tanzania na kwa kuwa Menejimenti na Watumishi wakiwa bado ni Watumishi ataendelea kushirikiana nao kwa karibu zaidi.
Kwa namna ya kipekee, Mheshimiwa Bashungwa amewashukuru watumishi wa Wizara, kwa upendo na ushirikiano mkubwa waliompatia wakati wote, uliomwezesha kutekeleza