Академик Төрегелді Шарманов ұзақ өмір сүрудің құпиясын паш етті

Описание: «Нұр Отан» партиясы төрағасының бірінші орынбасары Алматы шаһарының әкімімен Төрегелді Шармановтың сүт зауытында болып қайтты.

Мұхтар Құл-Мұхаммед пен Бауыржан Байбек бірегей қымыз өңдеу үрдісімен танысты.

Мұнда тіпті адам ағзасына пайдалы шоколод та шығарылады.

Зауытта сүт өнімдерінің 30 түрі бар. Табиғи таза өнім ағзаның жасаруына жағдай жасап, қатерлі дерттің алдын алатын көрінеді.

Сексеннің сеңгіріндегі Төрегелді Шарманов ұзақ жасаудың басты сыры өзі ішетін қымызда екенін жасырмады. Ғалым көшпенді халқымыз ерекше қастерлеген шикізатқа ерекше көңіл бөлуді сұрайды.

Ал «Нұр Отан» партиясы төрағасының бірінші орынбасары танымал ғалымның бастамасын толықтай қолдап, бүгінде нақ осындай өнім күллі әлемде сұраныста екенін жеткізді.