Қарағанды облысында ауруханада қайтыс болған жігіттің өлімінен кейін дәрігер жұмыстан босатылды

Описание: Қарағанды облысында ауруханада қайтыс болған жігіттің өлімінен кейін дәрігер жұмыстан босатылды. Медбике де қызметінен шеттетіліп, басқа бөлімшеге ауыстырылған.
Өткен айда болған қайғылы оқиғадан кейін медициналық және фармацевтикалық бақылау департаменті емдеу мекемесінде тексеріс жүргізген болатын. Қорытындысында марқұмның 7 жылдан бері аллергиясының бары туралы ақпараттың ешқандай жүйеде тіркелмегені анықталды. Бірақ бұл жерде дәрігерлердің де қателігі бар дейді департамент өкілдері. Яғни, ақ халаттылар сынама салу және оны дайындау тәртібі бұзылғанын жеткізді. Еске салсақ, желтоқсан айының басында Төрежан Мақашев облыстық ауруханаға жоспарлы түрде тік ішегіне ота жасатуға келген. 40 жастағы азамат ЦЕФ 3 антибиотигіне аллергиясы бар екені ескерткен дейді туыстары. Бірақ ота алдында алған екпеден кейін жігіт ағасы жансақтау бөліміне түсіп, екі күннен кейін көз жұмған болатын. Атпалдай азаматтың артында жары мен үш баласы қалған.
ОЛЬГА СМИРНОВА, Медициналық және фармацевтикалық бақылау комитеті қарағанды облысы бойынша департаментінің басшысы:
– Препарат клиникалық фармакология кафедрасынан емдік концентрацияда сұйылтылған түрде ауыстырылған. Физиологиялық ерітіндімен тері астына сынама жасалмаған. Медбике уақытты дұрыс өлшемеген. Жансақтау бөлімшесінде медициналық көмек хаттамаға сәйкес көрсетілді, бірақ аллерголог пен клиникалық фармакологтың қатысуымен консилиум өткізілмеген. Шаралар қабылдау туралы бұйрық енгізілді. Аталған факті бойынша сотқа дейінгі тергеу амалдары жүргізілуде.





Бізді әлеуметтік желіде оқыңыздар:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал