JMielle in Love – The KPEx Official Coverage

Описание: Dobleng selebrasyon para sa JMielle fans dahil ngayong Huwebes, June 19 ay nilaunch ang kauna-unahang album ng TNT Duets Grand Champion na sina JM Dela Cerna at Marielle Montellano, ang ‘jmielle in LOVE’ hatid ng ABS-CBN Music at Star Magic Polaris.

Maituturing ring milestone ang sold-out album launch dahil ang ‘jmielle in LOVE’ ang ika-sampung concert/event ng Jmielle na officially sold-out, magandang bungad sa pagpasok ng romantic musical duo sa ikalawang taon sa industriya.

Itinanghal ang TNT Duets Grand Champion noong July 1, 2023. Bago matapos ang taong yun ay nagmarka ang Jmielle matapos makapagsoldout ng kanilang unang concert na “JMielle In Harmony” kaya naman nabigyan sila ng pagkakataon na maglabas ng unang single via ‘Paano Ang Puso Ang Nagsabi’ noong February 2024.

‘Di lang galing sa pag-awit, hatid ng Jmielle ang kakaibang chemistry sa entablado kaya mas nagiging makulay ang kanilang mga performances. Marami na rin ang napapabilib, isa na rito ang Canadian singer-songwriter na si Shania Twain ay pinuri ang viral performance ng duo na “From This Moment On’’ sa ASAP. Dahil dito ay sunud-sunod na ang pagtatanghal nila ‘di lang dito sa Pinas, kundi pati sa abroad.

Sa ikalawang taon ng Jmielle ay handog nila ang 10 kanta mula sa kanilang unang full-length album na ang karamihan ay reinterpretasyon sa mga minahal nating OPM classics na tiyak ikakatuwa ng mga fans at ng mga makikinig.

Narito ang official track list: Makita Kang Muli, Habangbuhay, Kay Tagal, Paano Ba Ang Magmahal?, Magpakailan Pa Man, Ikaw, Pag Ang Puso Ang Nagsabi, Ikaw At Ako, Parang Tayo Pero Hindi, at I’ll Never Go.

Dahil sa lakas ng reception ng album launch ay nagkaroon pa ng delayed livestream nitong Biyernes, June 20.

Inaabangan na rin ng mga fans ang preselling ng ticket para sa upcoming concert ng JMielle sa SM Skydome ngayong Agosto.

I-follow ang KPEx Official para sa latest scoop at updates.