കെ.എം സീതി സാഹിബിൻ്റെ ജീവിത രേഖ | ഹസീം ചെമ്പ്ര | PART 1 - talkmedia

Описание: കെ.എം സീതി സാഹിബിൻ്റെ ജീവിത രേഖ | ഹസീം ചെമ്പ്ര | PART 1 - talkmedia
Special Thanks : Shri Haseem Chembra
Dop and Editing : Nassir Vakkayil
Producer : Arshad Chembra
Co-producer : Abdul Oniyye
Watch Second Part -    • കെ.എം സീതി സാഹിബിൻ്റെ ജീവിത രേഖ | ഹസീം ചെമ...  
K. M. Seethi Sahib, Saheb Bahadur, usually referred to as Seethi Saheb, was a Speaker of the Kerala Legislative Assembly and prominent leader of Islahimovement in Kerala, who was highly influenced by Vakkom Moulavi. He met vakkam moulavi in 1916 at first annual meeting Lajnathul Muhammadiyya, Alappuzha

കെ എം സീതിസാഹിബ് കേരള മുസ് ലിംകളിലിന്ന്‌ കാണുന്ന രചനാത്മകങ്ങളായ എല്ലാ പ്രവര്‍ത്തനങ്ങളുടെയും ശില്‍പിയായിരുന്നു.
അദ്ദേഹത്തിന്റെ ബുദ്ധിയുടെ നെറുകയില്‍നിന്ന് പുറത്ത്‌ വന്ന വസ്തുനിഷ്ഠമായ യാഥാര്‍ത്ഥ്യങ്ങളാണ് സമുദായപുരോഗതിക്ക് വഴിവെച്ചത്. ചരിത്രത്തിലദ്ദേഹത്തിന്റെ സ്ഥാനം മുസ് ലിംലീഗ്‌ നേതാവ് എന്നതിലുപരി മുസ് ലിം നവോത്ഥാന നായകൻ എന്ന നിലയിലാണ്. കേരളത്തിലെ സാമൂഹ്യ പരിഷ്കര്‍ത്താവായും സീതിസാഹിബ് അറിയപ്പെട്ടു.

മികച്ച സ്കൂൾ വിദ്യാർത്ഥിക്കുള്ള മഹാദേവയ്യര്‍ സ്മാരക അവാര്‍ഡ് നേടിയ സീതിസാഹിബ് വളരെ ചെറുപ്പത്തില്‍ തന്നെ കഴിവ് തെളിയിച്ചു. മികച്ച വാഗ്മി, കഴിവുറ്റ വക്കീല്‍, പ്രസംഗ പരിഭാഷകന്‍, പ്രഗത്ഭനായ പത്രപ്രവര്‍ത്തകന്‍, ഗ്രന്ഥകര്‍ത്താവ് എന്നീ നിലകളില്‍ അദ്ദേഹം പ്രശോഭിച്ചു. 1921-ല്‍ കൊച്ചി ദിവാന്‍ വിജയരാഘവാചാരി വെച്ച്നീട്ടിയ മന്ത്രിസഭയിലെ അംഗത്വവും വിദ്യാഭ്യാസ വകുപ്പിലെ ഉന്നത ഉദ്യോഗവും വേണ്ടെന്ന് വെച്ച സീതിസാഹിബ് കൊച്ചി, മദിരാശി നിയമസഭകളില്‍ അംഗമായിരുന്നു. ഒരു തികഞ്ഞ കോണ്‍ഗ്രസ്സുകാരനായി പൊതുപ്രവര്‍ത്തനം തുടങ്ങിയ അദ്ദേഹം ഇറങ്ങിത്തിരിച്ച മേഖലകളിലെല്ലാം തന്റേതായ വ്യക്തിമുദ്ര പതിപ്പിച്ചു.

1921- ല്‍ ലാഹോറില്‍ നടന്ന എ ഐ സി സി സമ്മേളനത്തില്‍ കേരളത്തില്‍ നിന്ന് പങ്കെടുത്ത രണ്ടംഗങ്ങളില്‍ ഒരാൾ സീതിസാഹിബായിരുന്നു. കോണ്‍ഗ്രസിന്റെ ത്രിപുര സമ്മേളനത്തിലും 1930- ലെ ലാഹോര്‍ സമ്മേളനത്തിലും അദ്ദേഹം പങ്കെടുത്തിരുന്നു.

1933- ല്‍ അദ്ദേഹം കോൺഗ്രസ് വിട്ട് മുസ് ലിംലീഗില്‍ ചേര്‍ന്നു. ഒട്ടും വൈകാതെ മുസ് ലിംലീഗിന്റെ അമരത്തെത്തിയ സീതിസാഹിബ് മുസ് ലിംലീഗ് നിലനില്‍ക്കേണ്ടതിന്റെ യുക്തിസഹമായ വാദഗതികള്‍ നിരത്തി നിരവധി ലേഖനങ്ങള്‍ എഴുതി. മുസ് ലിംലീഗിന്റെ മലബാറിലെ സ്ഥാപകനേതാവായിരുന്നു. മുസ് ലിംലീഗ് കേരള സ്റ്റേറ്റ് സെക്രട്ടറി എന്ന നിലയില്‍ സീതിസാഹിബ് ശാഖാകമ്മറ്റികള്‍ക്കയച്ച സര്‍ക്കുലര്‍ ഏറെ ശ്രദ്ധേയമാണ്. "മഹത്തായ ഒരു ലക്ഷ്യം വെച്ച് കൊണ്ടാണ്‌ അതിന്റെ കൊടിയുടെ കീഴില്‍ നാം അണിനിരന്നിട്ടുള്ളത്‌ എന്ന് തുടങ്ങി അനിസ് ലാമികമായ ആചാരങ്ങളെയും ദുര്‍വ്യയങ്ങളെയും ഉപേക്ഷിക്കാന്‍ ഉപദേശിക്കുകയും പ്രേരിപ്പിക്കുകയും ചെയ്തു കൊണ്ടാണ് 'മുസ് ലിംലീഗ് എന്ത്? എന്തിന്‌?'എന്ന ആ സര്‍ക്കുലര്‍ അവസാനിക്കുന്നത്. മുസ് ലിംലീഗിന്റെ ജനകീയാടിത്തറ വിപുലമാക്കുന്നതിനും അതിന്റെ താത്വികമായ നിലപാടുകള്‍ക്ക് രൂപം നല്‍കുന്നതിനും സീതിസാഹിബ് നടത്തിയ പരിശ്രമങ്ങള്‍ മുസ് ലിംലീഗ് കേരളത്തില്‍ പടര്‍ന്നുപന്തലിച്ചു നില്‍ക്കുന്നതിന് വളരെയേറെ സഹായകമായി. സീതിസാഹിബ് കൊടുങ്ങല്ലൂര്‍ മുസ് ലിംങ്ങള്‍ക്കിടയിലെ ഒന്നാമത്തെ ബിരുദ ധാരിയായിരുന്നു.

1898-ല്‍ കൊടുങ്ങല്ലൂരിലെ പ്രസിദ്ധമായ കോട്ടപ്പുറത്ത്‌ തറവാട്ടില്‍ ഹാജി സീതിമുഹമ്മദിന്റെയും പടിയത്ത് ഫാത്തിമയുടെയും മകനായി ഓഗസ്റ്റ് 11- നാണ് സീതിസാഹിബ് ജനിച്ചത്. ജന്മം മുതലേ കൂട്ടിനുണ്ടായിരുന്ന വിശുദ്ധി ജീവിതത്തിലുടനീളം അദ്ദേഹം കാത്ത്സൂക്ഷിച്ചു. സി എച്ചിന്റെ ഭാഷയില്‍ പറഞ്ഞാല്‍ "കേരള മുസ് ലിംങ്ങളെ പുരോഗതിയുടെ പാതയിലേക്ക് നയിച്ചത് അദ്ദേഹത്തിന്റെ ദൃഢചിത്തതയും ദീര്‍ഘവീക്ഷണവുമാണ്. മൗലാന മുഹമ്മദ്അലിയുടെയും, ജിന്നയുടെയും, സര്‍ സയ്യിദിന്റെയും അല്ലാമ ഇക്ബാലിന്റെയും ഗുണങ്ങള്‍ സമ്മേളിച്ച ആ മഹാനായ നേതാവ് മുസ് ലിംകളാദി ന്യൂനപക്ഷങ്ങളുടെ രാഷ്ട്രീയവും സാംസ്കാരികവും സാമൂഹികവുമായ മുന്നേറ്റത്തിന്റെ ശില്‍പിയായിരുന്നു.
കേരള മുസ് ലിംങ്ങളുടെ വിദ്യാഭ്യാസപരമായ എല്ലാ അഭിവൃദ്ധിക്കും കാരണം സീതിസാഹിബിന്റെ കരുത്തുറ്റ കരങ്ങളാണ്. ഫാറൂഖ് കോളേജ് കമ്മിറ്റിയുടെ സെക്രട്ടറിയായിരുന്നു സീതിസാഹിബ്. മരിക്കുന്നത് വരെ അദ്ദേഹം അതിന്റെ കൂടെയുണ്ടായിരുന്നു. ഇരുട്ടിലാണ്ട്പോയ ഏറനാട്ടില്‍ വിദ്യാഭ്യാസത്തിന്റെ ആദ്യത്തെ വിളക്ക് കത്തിച്ചുവെച്ച മലപ്പുറത്തെ മുസ് ലിം ഹൈസ്കൂളിന് പിന്നില്‍ അദ്ദേഹമാണ്. മൊറയൂര്‍ ഹൈസ്കൂളിന് വേണ്ടി പ്രവര്‍ത്തിച്ചിട്ടുണ്ട്. കേരളത്തിലെ മിക്ക ഹൈസ്കൂള്‍ക്കും അദ്ദേഹത്തിന്റെതായ ഒരു വ്യക്തിമുദ്ര പതിഞ്ഞതായി കാണാം. ഇവിടങ്ങളിലെ കുട്ടികള്‍ക്ക് സ്കോളര്‍ഷിപ്പ് കൊടുക്കുന്നതിന് വേണ്ടി മലബാർ മുസ് ലിം അസോസിയേഷന്‍ എന്നൊരു സംഘടന സീതിസാഹിബ് രൂപീകരിച്ചു. അതിന്റെ സ്കോളര്‍ഷിപ്പ് വാങ്ങി പഠിക്കാത്ത ചെറുപ്പക്കാര്‍ അന്ന് വളരെ കുറവാണ്. മമ്പാട് കോളേജിന്റെ സ്ഥാപനത്തിന് പിന്നിലും സീതിസാഹിബാണ്. ഉപജീവന മാർഗത്തിന് വേണ്ടി വക്കീല്‍വേല ചെയ്തു അവശേഷിക്കുന്ന സമയം മുഴുവനും പ്രതിഫലമൊന്നും പറ്റാതെ സമുദായത്തിന് വേണ്ടി വിനിയോഗിച്ച അദ്ദേഹം മൂന്ന് ലക്ഷം നാളികേരം വിളയുന്ന ഒരു വലിയ സ്വത്തിന്റെ ഉടമസ്ഥനായിരുന്നു. പരേതനായ സീതിമുഹമ്മദിന്റെ മകനായിരുന്ന സീതിസാഹിബ് പിന്നീട് ഫക്കീറായിട്ടാണ് മരിച്ചത്."
ഇ സാദിഖ്‌ അലി.
➖➖➖➖➖➖➖➖➖➖➖➖➖➖➖➖
©NOTE : Some Images , Musics , Videos , Graphics , are shown​ in this video Maybe Copyrighted to respected owners , not mine
➖➖➖➖➖➖➖➖➖➖➖➖➖➖➖➖
DISCLAIMER: This Channel DOES NOT Promote or encourage Any illegal activities , all contents provided by This Channel is meant for EDUCATIONAL PURPOSE only