Mejdani: FA, më pranë standardeve të ushtrive të NATO-s (11 Tetor 2001)

Описание: Lajme Arkiva 2001

Forcat e Armatosura të Republikës së Shqipërisë kanë demonstruar gjatë një stërvitje 5 ditore në zonën e Jubës, të qytetit të Durrësit, se janë të gatshme të përballojnë me sukses situata delikate në të cilat rrezikohet paqja. Në ditën e dytë të stërvitjes që përfshinte një territor prej 500 km2, trupat i ka inspektuar Presidenti Rexhep Mejdani, Ministri i Mbrojtjes Pendeli Majko, si dhe drejtues të lartë të Ushtrisë.

Gjithçka është ndjekur me vëmendje dhe nga Atashetë Ushtarakë të akredituar në vendin tonë. Trupat e Brigadës së Reagimit të Shpejtë dhe Nënreparteve dhe Partneritetit për Paqe përbejnë disa nga forcat më të përgatitura të Ushtrisë Shqiptare. Ata janë trajnuar nga ekspertë të huaj dhe gjithë stërvitjen e kanë konceptuar mbi veprimet operacionale të standardeve të NATO-s.

Komandantë të ndryshëm i kanë shpjeguar Presidentit Mejdani se trupat kishin improvizuar dy shtete imagjinare, Rubinin dhe Heronin. Shtabi drejtues kishte përshtatur një realitet ballkanik edhe më gjerë. Trupat shqiptare, nëse dërgohen në situata të tilla duhet të përshtaten me situata të vështira, ndaj edhe Presidenti është interesuar për përgatitjen psikologjike të ushtarëve. Për Presidentin këto forca janë të gatshme të përballojnë situatat që ofron lufta e re.

“Kjo është një stërvitje e konceptuar ndryshe nga stërvitjet e tjera, sepse është një stërvitje e forcave paqeruajtëse. Siç e shikoni dhe trupat shqiptare kanë fituar një përvojë të çmuar në ndërveprime të ndryshme me trupat e NATO-s, por edhe gjatë stërvitjeve të këtij karakteri. Dhe sot mund të them fjalë shumë të mira për trupat e profilizuar në operacionet paqeruajtëse.”

Ky nivel përgatitjeje z.President, a e përballon luftën e re?

“Natyrisht sot stërvitja kishte karakter tjetër, pra lidhej me operacione paqeruajtëse dhe unë them që në këtë drejtim duket progresi i bërë në njësinë tonë, por njëkohësisht edhe në stërvitjet e tjera që ne kemi vënë re, me reformimin e strukturave të Ushtrisë dhe me trajnimet e vazhdueshme. Ushtria Shqiptare po i përafrohet gjithnjë e më shumë standardeve të ushtrive anëtare në NATO.”

Stërvitja 5 ditore ka sjellë edhe përfitime për banorët e zonës përrreth. Ata kanë përfituar falas vizitat mjekësore, rregullimin e disa rrugëve e të tjerë./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/