TSB SPEEDY KRU - Ko u 'Ilo Pee 'e Au

Описание: 'Oku 'i ai e lea Tonga ko e "Tu'utu'u ka u tala" pea 'oku 'uhinga tatau pe ia mo e "Sio e mata kae hoka e tala", 'a ia ko hono 'uhinga totonu pee, ko 'ete fanongo tonu pee 'i hano lau'i kovi'i kita 'e ha taha ka 'oku 'ikai te ne 'ilo ia 'e ia 'oku te fanongo lelei atu pee ki hono lau'i kita. Ko e me'a fakaoli ia ki he anga 'etau vakai, ka 'oku hoko ia 'i he sosaieti 'oku tau 'i ai, 'o tatau pee 'i Tonga ni pea mo muli foki. Kae kehe, ko e me'a 'oku talanoa ki ai e fo'i hiva ni, 'oku 'i ai e konga 'oku kaungatonu pee mo e me'a kuo u lave ki ai 'i 'olunga, ka 'oku toe a'u pee e fakakaukau ni ia ki hotau kainga Tonga kotoa pee, ke tuku e lau mo e fakaanga, kau ki ai mo e meheka mo e lotokovi pea kanoni'aki e me'a ko e siokita, ke tuku 'aupito mu'a ia. Ka tau tu'u hake fakataha 'o hiki e maa'imoa ni ('a e musika) ke a'u ki he langilau pe ko e taupotu taha kae 'oua te tau nofo pee ke tukuhifo hotau kaungaa fononga. Ko e Tonga koe, ko e Tonga pee mo au, pea 'oku tonu pe ke tau fepoupouaki mo uouongataha mo fetokoni'aki ki he'etau lelei fakalukufua pea ke hiki 'a Tonga ki 'olunga. 'Ofa pee 'oku a'u atu e fakakaukau ni. Malo mo e 'ofa atu, he ko u 'ilo pee 'e au ho'o me'a 'oku fai mai kiate au..lol..