Top Channel/ Rruga e re Elbasan-Rrogozhinë, Balluku inspekton punimet në lotin 5

Описание: Në pranverën e 2026 pritet te perfundojnë 18 kilometrat e pare të aksit të ri rrugor Elbasan-Rrogozhinë . Zëvendëskryeministrja, njëherësh Ministër i Infrastrukturës dhe Energjisë, Belinda Balluku, inspektoi nga afër ecurinë e punimeve në lotin 5, aksi Papër – Ura e Grykshit, ku theksoi rëndësinë e përmbushjes së afateve kontraktuale dhe të hapjes së plotë të 5 loteve të para për qarkullim në qershor 2026.

“Ecuria fizike në këtë kantier është shumë e mirë. E kaluar 60% të realizimit. “Kemi një afat për të kapur dhe është afati i qershorit 2026, ku dëshirojmë të përfundojmë totalisht sipas afateve kontraktuale, 18 kilometrat e parë të këtij segmenti shumë të rëndësishëm, duke e lënë rrugën dytësore të jetë funksionale, atë që sot është rrugë kombëtare dhe duke kaluar në një autostradë tipit A, me shpejtësi 130 kilometra në orë. Kemi dy korsi nga secili krahë me 3.75 metra gjerësi dhe një korsi plus nga secili krah që është korsia e emergjencës me 3 metra gjerësi”, u shpreh Balluku.
Ministrja e Infrastrukturës dhe Energjisë u ndal edhe tek projekti i bypass-it të Elbasanit, i cili aktualisht përbën një prej pikave më problematike për qarkullimin e automjeteve.

“Është e rëndësishme që ti japim një zgjidhje pasi ne e shikojmë që edhe tani me përfundimin e sezonit edhe gjatë fundjavave të vjeshtës së parë, kemi parë ngarkesë. Kështu që ajo është një zgjidhje e shumëpritur që duhet patjetër të përfundojë me fillimin e sezonit veror. Deri më 1 korrik të 2026 ne duhet të kemi zgjidhur 3 kilometrat e para të bypass-it të Elbasanit për të vazhduar pastaj me projektin e madh dhe financimin e huaj në të cilin kemi aplikuar”, nënvizoi Balluku.

Segmenti Elbasan–Rrogozhinë, me një gjatësi totale prej 40 kilometrash, është pjesë strategjike e Korridorit VIII dhe përfshin ndërhyrje të posaçme për mbrojtjen lumore, pasi një pjesë e tij shtrihet përgjatë shtratit të lumit Shkumbin. Ky aks është projektuar si autostradë e kategorisë A, që do të mundësojë lëvizje të sigurt dhe me shpejtësi të lartë, duke përmirësuar ndjeshëm lidhjet rrugore kombëtare dhe rajonale.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#BelindaBalluku#Elbasan#TopChannelNews