The Scripture - Christus se voorbeeld van nederigheid - Filipense 2:1-11

Описание: Christ's Example of Humility
Php 2:1  As daar dan enige troos in Christus is, as daar enige vertroosting van die liefde, as daar enige gemeenskap van die Gees, as daar enige innige tederheid en ontferming is, 
Php 2:2  maak dan my blydskap volkome deur eensgesind te wees en dieselfde liefde te hê, een van siel, een van sin. 
Php 2:3  Moenie iets doen uit selfsug of uit ydele eer nie, maar in nederigheid moet die een die ander hoër ag as homself. 
Php 2:4  Julle moet nie elkeen na sy eie belange omsien nie, maar elkeen ook na die ander s’n. 
Php 2:5  Want hierdie gesindheid moet in julle wees wat ook in Christus Jesus was. 
Php 2:6  Hy, wat in die gestalte van God was, het dit geen roof geag om aan God gelyk te wees nie, 
Php 2:7  maar het Homself ontledig deur die gestalte van ‘n dienskneg aan te neem en aan die mense gelyk geword; 
Php 2:8  en in gedaante gevind as ‘n mens, het Hy Homself verneder deur gehoorsaam te word tot die dood toe, ja, die dood van die kruis. 
Php 2:9  Daarom het God Hom ook uitermate verhoog en Hom ‘n naam gegee wat bo elke naam is, 
Php 2:10  sodat in die Naam van Jesus sou buig elke knie van die wat in die hemel en die wat op die aarde en die wat onder die aarde is, 
Php 2:11  en elke tong sou bely dat Jesus Christus die Here is tot heerlikheid van God die Vader.