قصيدة: مشيناه| بصوت الخادمة الملا دعاء |جديد2025

Описание: قصيدة مشيناه
مشّيناه ، دَرِب من غير واليّنه ، مشيناه
مشه بينه العدو والروس وياه
⊱━━━━⊰✾⊱━━━━⊰⊱━━━━⊰✾⊱━━━━⊰
الضِعن من هلي خالي
مشّينه ابغير والي
غريبه انظر الحالي
حزن ماله نهايه

الدرب بس تهمل العين
ودير اعيوني لحسين
وكله اتركت جرحين
مصابك والسبايه

عليه انجسم نصين _ كلبي اوضايع ادواه
فراكه يبقى لاوين _ علّيله اوطيبتي اوياه
⊱━━━━⊰✾⊱━━━━⊰⊱━━━━⊰✾⊱━━━━⊰
راسه اعلَلرمح عالي
اشوفن صورته اگبالي
وحس اعيونه تبرالي
على طول الدرب

يشتموني وصِد ليه
وسولف هضمتي اعليه
يسمعني امنحاجيه
وشكلّيه الكرب

وكله اشلون چنه _ بيت اوساده ولياه
بعد ما رد شملنه _ اوجمعنه الراح نلكاه
⊱━━━━⊰✾⊱━━━━⊰⊱━━━━⊰✾⊱━━━━⊰
اشوفنه الدهر خان
تركني ابين عدوان
وحيده ابعازه اخوان
ابعاد ارحلو عنه

يسوء الحال بينه
سگف ما ضل علينه
الشمس حركت عبينه
يدرب الشام شبنه

احاه ياعله الشام _ دربك مگدر انساه
اومنسه ذيع الايام _ اعلظيم البيه شفاه
⊱━━━━⊰✾⊱━━━━⊰⊱━━━━⊰✾⊱━━━━⊰
حزينه الفكّدك الروح
يم امصابك اتنوح
غصب لو عنك اتروح
خذوه اعداك گوه

خذوه اوعينه اعليك
طول الدرب تبچيك
مارادت تخليك
ابلهيب الحر تتچوه

ثلت تيام بل حر _ النحره جفة ادامه
ضحيه ابْهيمه البر _ محد كام واراه
⊱━━⊰✾⊱━━━⊰⊱━━━━⊰✾⊱━━━━⊰
مظلمه اعليك دنياي
يعزي اوضوه عيناي
سليت ابغيتك هاي
يبعد العافيه النّه
                                                  ･✻･ﾟﾟ･✻･ﾟ･✻･
دمه لو دمعي يجري
ابد ما يشفي صدري
لكضي اعليك عمري
يخي ونه اعلونه

الي ما ضل بعد حيل _ انهدم حيلي اعلفركاه
عليه امساهره الليل _ بين الدمعه والاه
⊱━━━━⊰✾⊱━━━━⊰⊱━━━━⊰✾⊱━━━━⊰
قصيدة: الوداع
الشاعر الحسيني سيد حسين الاعرجي

-  .