អតីតអ្នកប្រដាល់ចិន វិនិយោគប្រាក់ ១លានដុល្លារ បង្កើតក្លិបប្រដាល់ជួយផ្សព្វផ្សាយគុនខ្មែរ នៅព្រះសីហនុ

Описание: អតីតអ្នកប្រដាល់ចិន វិនិយោគប្រាក់ ១លានដុល្លារ បង្កើតក្លិបប្រដាល់ជួយផ្សព្វផ្សាយគុនខ្មែរ នៅព្រះសីហនុ

ព្រះសីហនុ៖ លោក លី ជិនតៅ បានវិនិយោគប្រាក់ប្រមាណ ១លានដុល្លារ បង្កើតក្លិបគុនខ្មែរ និងគុនចម្រុះ CN19 នៅខេត្តព្រះសីហនុ ដើម្បីចូលរួមផ្សព្វផ្សាយ និងជួយអភិវឌ្ឍកីឡាប្រដាល់គុនខ្មែរឱ្យឈានទៅដល់កម្រិតអន្តរជាតិ។

អតីតអ្នកប្រដាល់សញ្ជាតិចិន ដែលបានមករស់នៅកម្ពុជាអស់ពេល ៨ឆ្នាំ មានការចាប់អារម្មណ៍ខ្លាំងលើកីឡាប្រដាល់គុនខ្មែរ ជាពិសេសគឺជាប្រភពដើមនៃក្បាច់បុរាណខ្មែរមួយនេះ។ ការប្រើកែង និងជង្គង់ បានបណ្តាលឱ្យលោក តៅសម្រេចចិត្តវិនិយោគបើកក្លិប CN19 រួមបញ្ចូលទាំងគុនខ្មែរ និងគុនចម្រុះក្នុងនោះផង។

មកដល់ដំណាក់កាលទី១នេះ លោក តៅ ថាបានវិនិយោគប្រាក់ជិត ១លានដុល្លារ បង្កើតក្លិបគុនខ្មែរ និងគុនចម្រុះឡើងមក ព្រមទាំងកំពុងផ្តើមអភិវឌ្ឍកីឡាករតាមជំហ៊ានបានគ្រោងទុក។

ក្លិបគុនចម្រុះ CN19 បង្កើតឡើងបានប្រមាណរយៈជិត ១០ខែប៉ុណ្ណោះ ប៉ុន្តែប្រធានក្លិបជនជាតិចិនរូបនេះ បានបង្ហាញបំណងខ្លួនថាចង់នាំកីឡាប្រដាល់គុនខ្មែរ ឱ្យឈានជើងទៅដល់ការប្រកួតកម្រិតពិភពលោក នៅពេលអនាគត។ ជាពិសេសទៅទៀតនោះ លោកចង់ឱ្យមានកីឡាករគុនខ្មែរទៅប្រកួតលើសង្វៀនល្បីៗដូចជា UFC ជាដើម។

លោក តៅ បន្ថែមក្នុងអំឡុងកិច្ចសម្ភាសនាព្រឹត្តិការណ៍គុនខ្មែរជើងឯកពិភពលោក លើកទី៦ ថាចង់ឱ្យក្លិប គុនចម្រុះ CN19 ក្លាយជាទីកន្លែងហ្វឹកហាត់គុនខ្មែរ សម្រាប់ទទួលកីឡាករបរទេសល្បីៗមកពីជុំវិញពិភពលោក។ មិនត្រឹមតែមកជួលដើម្បីហ្វឹកហាត់នោះទេ កីឡាករទាំងនោះក៏មានឱកាសដើរកម្សាន្តបែបទេសចរណ៍ នៅតាមតំបន់ឆ្នេរសមុទ្រក្នុងខេត្តព្រះសីហនុ ដែលជាផ្នែកមួយក្នុងការផ្សព្វផ្សាយទេសចរណ៍តាមរយៈកីឡាមួយនេះផងដែរ៕
ផលិតដោយសារព័ត៌មានឌីជីថលថ្មីៗ

សូមចុចចូលតេឡេក្រាមផ្លូវការរបស់សារព័ត៌មានឌីជីថលថ្មីៗ t.me/thmeythmeymedia ដើម្បីទទួលបានព័ត៌មានរហ័ស និងសម្បូរបែប!

សូមចុចចូលMessengerផ្លូវការរបស់សារព័ត៌មានឌីជីថលថ្មីៗ https://www.messenger.com/channel/Thm... ដើម្បីទទួលបានព័ត៌មានរហ័ស និងសម្បូរបែប!

ទំនាក់ទំនងផ្សព្វផ្សាយពាណិជ្ជកម្មជាមួយសារព័ត៌មានឌីជីថលថ្មីៗតាមរយៈ 012 900 132/081 699 329 ឬតេឡេក្រាម t.me/salesttn

ThmeyThmey Social Media:
Youtube: https://bit.ly/2RNzknr
Instagram: https://bit.ly/32QSFup
Twitter: https://bit.ly/3iTsTuS
Web: https://bit.ly/3hPEU3q
Facebook: https://bit.ly/2FGyvKY
Threads: https://bit.ly/44q1UPl

© All Rights Reserved & Copyrights by Thmey Thmey Digital Media (thmeythmey.com)

#thmeythmey
#thmeythmeynews
#cambodianess
#thmeythmey25
#angkorwat
#cambodia
#ថ្មីៗ