Tv Klan - Sterelizimi, 29 vite burg për 8 të pandehurit

Описание: Gjykata e Posaçme gjeti fajtor ish-zëvendësministrin e Shëndetësisë, Klodian Rjepaj, për vjedhje duke shpërdoruar detyrën në dhënien e koncensionit të sterilizimit të mjeteve spitalore në vitin 2015 dhe e dënoi atë me 6 vite burg.

Si bashkëpunëtor i tij për të njëjtat akuza, fajtor u gjet edhe biznesmeni që fitoi koncensionin, Ilir Rrapaj, i cili u dënua nga treshja e gjyqtarëve po me 6 vite heqje lirie.

Të dy ata morën pafajësi për akuzën e grupit të strukturuar kriminal.

Dënime më të ulëta, nga 1 deri në 3 vite burg, u dhanë për 6 të pandehur të tjerë, ish-zyrtarë që kanë qenë pjesë e komisionit për dhënien e koncensionit, për shkelje në procedurë.

Por të gjithë do të përfitojnë ulje të dënimit për shkak të gjykimit të shkurtuar, ndërsa gati gjysma e tyre nuk do të bëjnë fare burg, pasi dënimi i shkurtuar i është konvertuar në shërbim prove.

SPAK thotë se koncensioni i sterilizimit u dha në kundërshtim me ligjin dhe duke falsifikuar dokumentet. Ai ishte paracaktuar për biznesmenin Ilir Rrapaj, i cili kishte lidhje miqësore me ish-zëvendësministrin e Shëndetësisë, Klodian Rjepaj, dhe njohje me ish-ministrin e Shëndetësisë, Ilir Beqaj.

Ky i fundit është ndarë në një proces më vete, pasi, ndryshe nga të tjerët, nuk kërkoi të procedohej me gjykim të shkurtuar.

SPAK dhe Gjykata kanë vlerësuar se kostot për sterilizimin u frynë në mënyrë të padrejtë në 56.4% dhe se dëmi u bë detyrues për shtetin me firmën e ish-ministrit Beqaj.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/