“İşsizlər də icbari tibbi sığorta ödəyəcək – Ayda 16 manat, amma niyə?”

Описание: Son günlərdə işsizlərin və qeyri-formal məşğul şəxslərin aylıq 16 manat icbari tibbi sığorta haqqı ödəyəcəyi barədə “Tibbi sığorta haqqında” qanuna təklif olunan dəyişikliklər geniş müzakirələrə səbəb olub. Sadə dildə desək, insanlar işləmədikləri halda niyə bu məbləği ödəməli olduqlarını anlamaqda çətinlik çəkirlər. Hətta qanun layihəsində ödəmənin gecikdirilməsi halında əlavə 10% sığorta haqqının tətbiq ediləcəyi də qeyd olunub.

Valyuta.az-ın məlumatına görə, məsələ ilə bağlı yaranan suallara aydınlıq gətirmək üçün Milli Məclisin Əmək və sosial siyasət komitəsinin sədri Musa Quliyevlə əlaqə saxlanıb. Komitə sədri açıqlamasında bildirib ki, icbari tibbi sığorta sığortaların bir növüdür və məqsəd sığorta olunan şəxslərin sığorta hadisəsi baş verdikdə onlara dəyən zərərin, xəstəliyin və zədənin aradan qaldırılması üçün maliyyə təminatının yaradılmasıdır.

Musa Quliyev əlavə edib ki, əgər biz minik avtomobillərimizi, evlərimizi sığorta ediriksə və bu icbari qaydada həyata keçirilirsə, həyatımızı niyə sığorta etməyək? Dünyanın səhiyyə sistemində icbari sığorta tətbiq olunan hər yerdə müəyyən qrup insanları dövlət öz təminatına götürür, qalan şəxslər isə sığorta haqları ödəməklə icbari tibbi sığortadan yararlanırlar. Kimsə istəməsə ki, icbari sığorta ödəsin, özəl klinikalarda özəl qaydada müalicəsini ala bilər.

Azərbaycanda icbari tibbi sığorta qəbul olunanda da sual yaranmışdı ki, işləməyən şəxslərin sığorta məsələsi necə olacaq? O zaman cənab Prezidentin göstərişi ilə işləməyən şəxslər də bu kateqoriyaya daxil edilib. İlk mərhələdə bu insanlara böyük güzəşt olunub və məşğulluğundan asılı olmayaraq hər kəsə icbari tibbi sığortadan faydalanmaq imkanı yaradılıb. Amma bu müvəqqəti keçid qaydası idi.

İndi “Tibbi sığorta haqqında” qanuna təklif olunan dəyişiklikdən sonra gələn ildən dövlət qeydiyyatında olan şəxslər – uşaqlar, əlilliyi olan şəxslər, pensiyaçılar istisna olmaqla, formal və qeyri-formal işləyən, yaxud qazanc mənbəyi məlum olmayan insanlar ayda 16 manat ödəməklə icbari tibbi sığortadan yararlanacaq. Bu, sosial ədalət prinsipinin qorunmasına xidmət edir. Yəni bir vətəndaş işləyirsə və yüksək əməkhaqqı alırsa, öz əməkhaqqından yüksək icbari tibbi sığorta haqları ödəyirsə, digər vətəndaşlar niyə onun ödədiyi vəsaitdən öz qatqısı olmadığı halda istifadə etməlidir? Bu suallar da cəmiyyətdə yaranır.

Musa Quliyev bildirib ki, bu qayda məcburi deyil, amma ödəniş etməyən vətəndaşlar icbari tibbi sığorta xidmətlərindən yararlana bilməyəcəklər. Parlamentari vurğulayıb ki, ayda 16 manat sığorta haqqı ödənilməsi bir il ərzində özəl sektorda instrumental müayinənin, MRT və ya USM qiyməti qədər də deyil və böyük vəsait hesab olunmur.

Bu ödəniş eyni zamanda vətəndaşların əməkhaqlarının leqallaşdırılması, iş yerlərinin qeyri-formaldan formal sektora keçirilməsi məsələsində də rol oynayacaq. Qanun qəbul olunduqdan sonra İcbari Tibbi Sığorta Agentliyi qaydaları müəyyənləşdirəcək. Mexanizm sadədir: hər kəs öz poliklinikasına müraciət edərək sığorta kartı alacaq və ya hesab açdıracaq, o hesaba da aybaay vəsaiti ödəyəcək. Həmçinin, bir illik sığorta haqqını bir dəfəyə ödəmək də mümkün olacaq.

Qeyd edək ki, hazırda formal şəkildə fəaliyyət göstərən qurumlarda işçi 2 faiz, işəgötürən 2 faiz olmaqla, bir vətəndaş üçün ümumilikdə 4 faiz icbari tibbi sığorta haqqı ödənilir. Yeni qanunla müəyyən kateqoriyaya daxil olan şəxslər istisna olmaqla, əmək potensialı olan şəxslər ayda minimum əməkhaqqının 4 faizi, yəni 16 manat ödəyəcəklər.




“Sizcə, işsiz və qazancı məlum olmayan şəxslərin icbari tibbi sığorta ödəməsi ədalətlidir?

Fikrinizi şərhlərdə paylaşın, videonu bəyənin və kanala abunə olun ki, belə yeniliklərdən xəbərdar olasınız!”




#İcbariTibbiSığorta #Azərbaycan #İşsizlər #16Manat #MusaQuliyev #SosialSiyasət #TibbiSığorta

SEO açar sözləri video təsvirində istifadə üçün:

işsizlər icbari tibbi sığorta

16 manat icbari tibbi sığorta

Azərbaycan tibbi sığorta qanunu

qeyri-formal işçilər

icbari tibbi sığorta yenilikləri