L-AĦĦAR IRTOKKI GĦALL-ISPETTAKLU TA’ KARTI SINKRONIZZATI MAL-MUŻIKA

Описание: ONE.COM.MT • Bħal għada, ir-Rabat jinfetħu bibien is-sema, b’differenza.

Dan hekk kif waqt il-marċ ta’ filgħodu ta’ San Pawl, jittella spettaklu l-ġmiel tiegħu ta’ tfigħ ta’ karti sinkronizzat mal-mużika.

Crew ta’ dan l-istazzjon żar il-preparamenti għal dan l-ispettaklu, li huwa l-mimmi t’għajnejn bosta Rabtin.

KITBA: FRANCESCO BORG
FILMATI: DYLAN CARUANA / ARKIVJI

Jinfetħu bibien is-sema fis-sħana qawwija ta’ Ħadd f’Lulju.

Hekk jista jiġi deskrit l-ispettklu l-ġmiel tiegħu, ta’ tfigħ ta’ karti sinkronizzat mal-mużika li jittella’ waqt il-marċ ta’ filgħodu tal-festa ta’ San Pawl ta’ Rabat.

Dan l-ispettaklu, li ilu jittella mill-elfejn u seba’, huwa il-mimmi t’għajnejn bosta Rabtin li jaħdmu fuq dan il-porġett

Fl-elfejn u tmintax, iż-żgħażagħ Rabtin Pawlini kisbu r-rekord nazzjonali tal-akbar show tal-karti sinkronizzat mal-mużika.

Fil-pjazza biswit il-Knisja iltqajna ma’ numru kbir ta’ żgħażagħ, li kienu qed iħejju l-aħħar irtokki għal dan l-ispettaklu.

Tkellimna ma’ Norbert Inguanez, li huwa chairperson fl-għaqda żgħażagħ Rabtin Pawlini, hekk kif spjega li sena wara oħra dejjem jippruvaw ikabbru dan l-ispettaklu mimli kuluri.

NORBERT INGUANEZ
CHAIRPERSON GĦAQDA ŻGĦAŻAGĦ RABTIN PAWLINI
"Bħala xogħol jinvolvi li tibda bħal fi Frar biex tipprepara ċerti affarijiet li huma biżżejjed. Koreografija u x'mużika se tuża. Anke preparazzjonijiet relatati mas-sistema eċċ. Biex minn xahar qabel tibda timla l-karti u tara fejn tqassamhom biex ikun jista’ jinġieb fuq iz-zuntier biex ikun lest għal filgħodu.”

Is-Sur Inguanez qal li l-karti li jintużaw huma kollha biodegradabbli u jifilħu għan-nar bil-għan li jiġi mħares l-ambjent kif ukoll is-sigurtà tal-folla preżenti.

Huwa stieden lil Maltin sabiex il-Ħadd iżuru l-misraħ biswit il-Knisja ta’ San Pawl biex jaraw dan l-ispettaklu b’xita ta’ karti.

NORBERT INGUANEZ
CHAIRPERSON GĦAQDA ŻGĦAŻAGĦ RABTIN PAWLINI
"Huwa spettaklu kbir b'ħafna effetti, fosthom beraq, nar, karti, u bombi. Il-bqija jkunu jistgħu jgawdu l-brijju li kapaċi nagħmlu aħna Rabtin Pawlini kapaċi nagħmlu waqt spettaklu tas-soltu."