【19052024娛樂新聞】福祿壽訓練學院｜追貼熱話何生新何太再登場 四大笑位今晚節目引爆

Описание: 【19052024娛樂新聞】福祿壽訓練學院｜追貼熱話何生新何太再登場 四大笑位今晚節目引爆

阮兆祥 李思捷 王祖藍 主持嘅《福祿壽訓練學院》，上星期極速模仿熱爆新聞人物「何生」同「新何太」亂入《逆天奇案2》 大結局現場引爆全城熱話，今個星期繼續追貼何生何太事件嘅新進展，福祿壽團隊再次展現「極速神還原」 功力，將最新鮮滾熱辣笑料呈現觀眾眼前！

祥師兄同思捷再以何生何太最新裝束現身電視城，為《福祿壽訓練學院》拍攝特備環節，團隊仲搵埋「扮工室助理」郭珮文 (Juliana) 扮演因訪問何生何太時有出色表現 梁敏巧 。佢哋一早就以還原度極高嘅打扮拍攝，祥師兄嘅「大星星」黑白裙配以Satine絲巾同披肩長髮，加上全程嬌羞小鳥伊人Tone，對思捷又挨又詐嬌，誓必再引爆全城笑彈。

製作組率先曝光節目四大必睇笑位，分別係「A For Apple」、 「花叢漫步」、「古惑提款機」仲有「神秘手扣」，雖然聽落相當無厘頭，到底有咩最新驚喜就要密切留意今晚播出最新一集喇。

而祥師兄同思捷受訪時，亦再次對製作組嘅道具同服裝方面還原能力尊敬讚嘆，又異口同聲指要感激服裝、道具同化妝同事嘅齊心協力：「佢哋真係好犀利，可以喺咁短時間，搵到一模一樣嘅衫，尤其條絲巾真係似到不得了。呢班同事其實一路以嚟喺我哋嘅製作方面都幫咗好多，真係勞苦功高。」要還原新聞人物自然少不了王祖藍的參與。據知，祖藍是將會一人飾演多個角色同身份，又會為特備環節搞笑獻聲。

《福祿壽訓練學院》今晚 20:30 翡翠台

#福祿壽訓練學院 #何生新何太 #阮兆祥 #李思捷 #王祖藍 #極速神還原 #郭珮文 #梁敏巧 #AforApple #花叢漫步 #古惑提款機 #神秘手扣