ព្រែកជីកដែលកប់បាត់រាប់ពាន់ឆ្នាំ នឹងគាស់រំលើងឡើងវិញថ្ងៃស្អែកនេះហើយ! សមាគមរួមគ្នាដើម្បី...

Описание: ព្រែកជីកដែលកប់បាត់រាប់ពាន់ឆ្នាំ នឹងគាស់រំលើងឡើងវិញថ្ងៃស្អែកនេះហើយ! សមាគមរួមគ្នាដើម្បីអភិវឌ្ឍន៍​កម្ពុជា ជួបជុំស្រែកជ័យឃោសសាទរការបើកការដ្ឋានព្រែកជីកហ្វូណនតេជោថ្ងៃទី៥ ខែសីហា

(ភ្នំពេញ)៖ ព្រែកជីក​ហ្វូណនត្រូវបានកប់ចោលរាប់ពាន់ឆ្នាំមកហើយ ការតភ្ជាប់ទឹកទន្លេ និងសមុទ្ររបស់កម្ពុជា ក៏ត្រូវបានកាត់ផ្តាច់ខ្ទង់​រយឆ្នាំ​​ហើយផងដែរ។ នៅថ្ងៃទី៥ ខែសីហា ឆ្នាំ២០២៤ស្អែកនេះ ព្រែកជីកដែលកប់ចោលរាប់ពាន់ឆ្នាំនេះ នឹងត្រូវគាស់រំលើងឡើងវិញហើយ។

ការសាងសង់ព្រែកជីកហ្វូណនតេជោ គឺជាព្រឹត្តិការណ៍ប្រវត្តិសាស្ត្រដ៏​អស្ចារ្យរបស់កម្ពុជា ជាគាស់រំលើងឡើង​វិញនូវ​ព្រែកជីកដ៏ល្បាញល្បីរបស់នគរខ្មែរ និងជាការតភ្ជាប់ទឹកសាប និងទឹកប្រៃរបស់កម្ពុជាឡើងវិញផងដែរ។ ថ្ងៃបើកការ​ដ្ឋាន​កាន់តែខិតជិតដល់បេះដូងពលរដ្ឋខ្មែរក៏កាន់តែរំជើបរំជួលដោយក្តីត្រេកអរ និងរីករាយ។

ដើម្បីអបអរសាទរដល់ព្រឹត្តិការណ៍ជាប្រវត្តិសាស្ត្រនេះ សមាគមរួមគ្នាដើម្បីអភិវឌ្ឍន៍កម្ពុជា និងជាក្រុមចលនាសេដ្ឋកិច្ចក្រៅប្រព័ន្ធ នៃសហភាពសហព័ន្ធយុវជនកម្ពុជា រាជធានីភ្នំពេញ ជួបជុំគ្នាស្រែកជ័យឃោសយ៉ាងខ្ទរខ្ទារ បង្ហាញនូវស្មារតីពេញចិត្តពេញបេះដូង និងជឿជាក់លើការដឹកនាំរបស់រាជរដ្ឋាភិបាលកម្ពុជា ចំពោះការគាស់រំលើងព្រែកជីកនេះឡើងវិញ៕