აქციები და საფონდო ბირჟა

Описание: გიორგის ფეხსაცმლის სამკერვალოს ბევრი მომხმარებელი ჰყავს. ის ტანსაცმლის წარმოებასაც გადაწყვეტს, მაგრამ ამისთვის დანადგარები, ნაჭრები და ძაფები სჭირდება, ფული კი არ ჰყოფნის.
ამიტომ, კომპანიის წილს მეგობრებს მიყიდის, მარის 20%-ს, ნიკას კი 10%-ს. მიღებული ფულით კი საჭირო ინვენტარს შეიძენს.
ახლა კომპანიას 3 აქციონერი ჰყავს და თუ მომავალში მისი ღირებულება გაიზრდება ნიკა და მარი მოიგებენ და შეეძლებათ წილის დატოვება ან უფრო ძვირად გაყიდვა, ხოლო თუ სამკერვალო გაკოტრდება, გამოვა, რომ ნიკას და მარის არ გაუმართლათ.
ასევე მუშაობენ დიდი ბიზნესები, ისინი ყიდიან კომპანიის აქციებს, გასაყიდი სივრცე კი - საფონდო ბირჟაა, სადაც დაინტერესებული პირები ამოწმებენ რომელი კომპანიის აქციები რა ფასად იყიდება,
თუ ადამიანი ფიქრობს, რომ მზის ბატარეების მწარმოებელი კომპანიის ღირებულება 1 წელში გაიზრდება, მაშინ იყიდის მის აქციებს და მოგებას დაელოდება, ხოლო თუ ფიქრობს, რომ საკანცელარიო ნივთების უდიდესი მწარმოებელი 2 წელში გაკოტრდება, თავს შეიკავებს მისი აქციების ყიდვისგან.
აქციონერი ყველას შეუძლია გახდეს, თუმცა დაზუსტებით იმის თქმა, რომ რომელიმე კომპანიის ღირებულება მომავალში გაიზრდება ფაქტობრივად შეუძლებელია, ამიტომ გლობალური ბაზრისა და ეკონომიკის ცოდნასთან ერთად საფონდო ბირჟაზე მოვაჭრეებს იღბალიც სჭირდებათ.