တကောင်းမြို့သိမ်းတိုက်ပွဲအောင်မြင်သော PDF ရဲဘော်များကို ပြည်သူများကြိုဆို

Описание: တကောင်းမြို့သိမ်းတိုက်ပွဲအောင်မြင်သော PDF ရဲဘော်များကို ပြည်သူများကြိုဆို

RNA_ဩဂုတ်(၁၄)၊၂၀၂၄ ခုနှစ်။

မန္တလေးတိုင်း၊ သပိတ်ကျင်းမြို့နယ်၊ တကောင်းမြို့သိမ်းတိုက်ပွဲ အောင်မြင်စွာ ဆင်နွှဲနိုင်ခဲ့သော ပြည်သူ့ကာကွယ်ရေးတပ်ဖွဲ့ ရဲဘော်များကို မြို့ခံများက အားရဝမ်းသာ ကြိုဆိုခဲ့ကြကြောင်း ပြည်သူ့ကာကွယ်ရေးတပ်ဖွဲ့ သပိတ်ကျင်းမြို့နယ် - ပ.က.ဖ ကထုတ်ပြန်ထားသည်။

တကောင်းမြို့ရှိ စစ်ကောင်စီလက်အောက်ခံများတပ်စွဲထားသော ထွေအုပ်ရုံး၊ ဆေးရုံ၊ ရဲစခန်းနှင့် လေးမျက်နှာဘုရား နေရာများကို ဩဂုတ်လ ၁၁ ရက်နေ့မှစတင်တိုက်ခိုက်ခဲ့ရာ ဩဂုတ်လ ၁၂ ရက်နေ့တွင်အပြီးသတ်သိမ်းပိုက်တိုက်ခိုက်နိုင်ခဲ့ကြောင်း၊ စစ်ကောင်စီဘက်မှ (၆၄) ဦး သေဆုံးပြီး (၂၀) ဦး ဖမ်းဆီးရမိကာ၊ လက်နက်မျိုးစုံ (၈၃) လက်၊ ကျည်မျိုးစုံ (၁၄၀၀၀) ကျော်၊ ဗုံးသီးမျိုးစုံ (၁၃၀) ခန့် သိမ်းဆည်းရမိပြီးခဲ့ကြောင်း၊ တော်လှန်ရေးအင်အားစုများဘက်မှ ရဲဘော် (၂) ဦး ကျဆုံးခဲ့ရကြောင်း အမှတ် (၁) စစ်ဒေသက ထုတ်ပြန်ထားသည်။

တကောင်းမြို့ပေါ်တွင် စစ်ကောင်စီဘက်မှ ဒု-ဗိုလ်မှူးကြီး ရဲခေါင်နှင့် ဗိုလ်မှူး မိုးသွင် ဦးစီး တတက-၁၃၊ ဗိုလ်မှူး မိုးဝင်း ဦးစီး စခတ-၂၊ ရဲအုပ် အောင်ကိုဝင်း ဦးစီး ရဲတပ်ဖွဲ့၊ ဇော်လင်းနိုင် (ဒု-မြို့နယ်မှူး) တို့ အခြေပြုတပ်စွဲထားသည့်စခန်းများကို အမှတ် (၁) စစ်ဒေသ၊ မန္တလေးတိုင်းတာဝန်ခံရုံး ကွပ်ကဲမှုဖြင့် အထူးလှုပ်ရှား တပ်ရင်း-၃၊ အမှတ် (၅၁၁) တပ်ရင်း၊ မန္တလေးခရိုင် တပ်ရင်း-၄၊ မန္တလေးတိုင်း ဒရုန်းတပ်ဖွဲ့နှင့် သပိတ်ကျင်းမြို့နယ် ပကဖ တို့မှ ပူးပေါင်းတိုက်ခိုက်ခဲ့သည်။

#rednewsagency #rednews #myanmar #revolution #burma #pdf #rna #spring #springrevolutionmyanmar