Dy muaj para se të ndërronte jetë... xhiroi film! Kita: Naun Shundi s’e tregoi që ishte i sëmurë

Описание: Një heshtje dhe një shikim që flet më shumë se çdo fjalë. “Kolltuku” është filmi me metrazh të shkurtër “In Memoriam Naun Shundi” një vepër që tashmë ka marrë një kuptim të veçantë, pasi shënon rolin e fundit të aktorit të njohur shqiptar, i cili u nda nga jeta në fund të muajit gusht.

Në emisionin “Rudina” në Tv Klan, regjizorja Enxhi Rista dhe Zamira Kita ndanë emocione të forta nga xhirimet, duke kujtuar Naun Shundin jo vetëm si artistin e madh që ishte, por edhe si njeriun e qetë, fisnik dhe të përkushtuar ndaj profesionit. Ai nuk foli kurrë për sëmundjen që po e mundonte, duke e mbajtur atë vetëm për vete, ndërkohë që në set ishte plot energji, humor dhe përkushtim.

Rudina Magjistari: Ishte një film dedikim për nder të Naun Shundit. Ishte filmi i f undit ku ai ka interpretuar. Ishte “in memoriamb Naun Shundit”, i bashkëngjitet ky imazh titullit të këtij filmi. Flasim pak për Naun Shundin dhe rolin e tij në këtë film.

Enxhi Rista: Naun Shundi ka rolin e burrit të Aurës në film, Aleksi. Ishte një emocion shumë i madh të punoja me të. Aleksi nuk flet në film, vetëm me gjeste, me mimikë, gjithçka kështu e përcjell. Dje e pamë dhe në kinema, ai flet me shikim, ishte shumë bukur të punoja me Naunin. Nuk e kuptuam asnjëherë në xhirime që ishte i sëmurë.

Rudina Magjistari: Kur është regjistruar ky film?

Enxhi Rista: Në qershor.

Rudina Magjistari: Në qershor dhe ai për dy muaj ndërroi jetë!

Enxhi Rista: Nuk e tregoi asnjëherë që kishte një problem shëndetësor. Ishte shumë profesionit, shumë aktiv gjatë gjithë xhirimeve.

Zamira Kita: Gjatë xhirimeve më është gjendur shumë pranë. Personalisht kam pasur një problem goxha të rëndë gjatë xhirimeve të filmit dhe ai kishte ilaçet me vete. Më ka dhënë ilaçe për të kaluar atë moment, sepse ishte një goditje shumë e fortë. E thashë edhe dje në premierë, që kurrë nuk do ta besoja që ne do ta kumbisnim kaq shpejt. Nuk e dija që ai ishte i sëmurë. Nuk e bëri veten kurrë, ishte një burrë i heshtur dhe një aktor i shkëlqyer. Ai flet edhe në film me heshtjen e tij. Ne na tronditi shumë vdekja e tij, ishte e pabesueshme.

Naum Shundi u nda nga jeta më 28 gusht, në moshën 66-vjeçare, pasi humbi betejën me një sëmundje të rëndë.
Një show argëtues dhe informativ nga Rudina Magjistari, që shoqëron çdo pasdite familjet shqiptare, si programi më i ndjekur në këtë fashë orar, me të ftuar të shumtë VIP, por dhe njerëz të thjeshtë me historitë e tyre personale.

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Rudina #RudinaMagjistari #TVKlan