مشاويرك عديلة.. صديق أحمد

Описание: نعالج القبح بالجمال..
ـــــــــــــــــــــــــــــــــــــــــــ
مشاويرك عديلة
ـــــــــــــــــــــــــــــــــــــــــــ
كلمات: عبد الله محمد خير
ـــــــــــــــــــــــــــــــــــــــــــ
عديلة عليك محل ما تمشى تمشي
يا عديلة أبقيلو زى الغيمة رشي
أما أنا الهاماني راحتك أول الشي
إنت تأمرني وعلي أمرك بيمشي
مشاويرك عديلة.. عديلة عليك
عديلة إن كان قصيري وإن كان طويلا عديلة عليك
***
بس عليك توعدني ما تطول بيك غيبه
وعد من أنبل حبيب لي أجمل حبيبه
فيك عرفتا الدنيا قاصيها وقريبه
منك اتعلمتا كيف أقدر أجيبه
مشاويرك عديلة.. عديلة عليك
عديلة إن كان قصيري وإن كان طويلا عديلة عليك
***
لامتين يا نومي فيك رؤياي تصدق
لامتين يا شوق طوالي لي قليبي تحرق
تاني جود باللقيا يا زمني المفرق
تانى يا أجمل صباح في عمري أشرق
مشاويرك عديلة.. عديلة عليك
عديلة إن كان قصيري وإن كان طويلا عديلة عليك
***
يا حلات العشرة وكتين تبقى صح صح
ويا حلات الريدة وكتين تصفى تفرح
يا حلات ليلن معاك ما درنا يصبح
ويا حلات صبحا تكون إنت المصبح
مشاويرك عديلة.. عديلة عليك
عديلة إن كان قصيري وإن كان طويلا عديلة عليك
**
فى الربيع قالوا الزهور تنضر تفتح
يا ربيع فى حضنو كم لفاني وارتح
صار يباب بستاني من غيرك مكردح
غير سموم فى أم شير وغير أم شير تكتح
مشاويرك عديلة.. عديلة عليك
عديلة إن كان قصيري وإن كان طويلا عديلة عليك
***
حبك الخلاني لي زول ما بجافي
حبك العلمني أنظم ليك قوافي
حبك أكبر مهر لي طهري وعفافي
آه بحبك وأصلو حبك زيو مافي
مشاويرك عديلة.. عديلة عليك
عديلة إن كان قصيري وإن كان طويلا عديلة عليك
…..…..
إنا لله ياخ