شيلة الكبارّيه | أداء جفران بن هضبان | كلمات جابر بن سعود آل عمره HD 2022

Описание: في الليله الهاديـه ، ما راسي بهـادي
كن وسط جمجمتي جنود السعوديه

الكل منهم يجي مقدام ومفادي
ينطح عداه برهاوه وابتجاحيـه

قدلي وانا فواديٍ والشعـر في وادي
صرت اسفطه من ضروف وقل أهميه

الين جا يعتـذر لي ، بخيبـة الغـادي
يقـول عقبـك معازيبـي دناويـه

عقبك تمادى علي بالهزل قصّادي
تكفى وانا فـجاهك ووجهك من السيّه

واليـوم يامرحبـا مليـون وننـادي
في حفلنا الي مثل ساحه اولمبيه

اي والله ان شوفكم هو غايه مرادي
شوفتكم لحـالها .. تبغي احتفـاليه

ابـا تبهلـل وازود الكـيف بقنـادي
والجمر فوقه حطب مدري مَروكيه

في حفل هادي ياويش اهدي لأخي هادي
اللـه يبـارك زواجـه .. وفمساعيّـه

هو محزم الي حداه من الزمن حادي
ينصـاه منهو شكـى كثرت بلاويه

ويقفي عقب كثرة التفكير الاجهادي
كنّـه مصيـف له فـ دولـه اوربيـه

وابمدح الي على الطالات متمادي
من عشت ماشفت انا لي واحدٍ زيّه

ابوك ماهو يشادي فعله مشادي
كم معضله حلها بوفقه بطوليه

مشّـا له امور لو تدري بها بلادي
خلتْـه قـدوة سُفَـرَاء السعوديـه

وجدك محمد إبن عمره مهو عادي
يفرق عن اهل الكرم بسنين ضوئيه

من كثر ما اكرم ووقته شِح وزْهادي
سيـول دميـان خـرفانه نحاويـه

وسيله الى اليوم يتجدد وينعادي
بعـزومنا الي مثل طـاقه نوويـه

ما نملك المال ولا أسهم مْع النادي
ومن شافنا يَحْسـبٍ حن برجـوازيه

وجدك علي ابْنَ مرعي ماله أندادي
مثَبـتٍ في سمـا الامجاد كرسـيّه

يزبن المجـرم .. ويسـنّع الغادي
وتبجّل النـاس .. وقفاته وطاريه

وحنا ورثنا الزعامه وِرث الاجدادي
الله خلقنـا وهي معـنا وراثـيـه

في روسنا شي ماهو ف اكبر قيادي
وتردنا المرجله .. واشياء دينيـه

والله يسامح عطـانا وبذل الأيـادي
قِفِّل بها أسماء جمعيات خيريه

ومن كثْر ما حن مَلكنا فـ سوق الامجادي
يمكـــن تجينــــا .. عقوبــة الإحتكـاريــه

اسم ال عمـره تسيّد فوق الاسيادي
الله خلقنا عـــــزازٍ فــوق اراضيــــه

اسمٍ يعرفه مَلِكنا حـاكم بـلادي
ماهـو يعرف الكبـار إلا الكباريـه

ومن هيبة اسمي الكبير وسطوة عنادي
يبــرك لـي الفخْـر .. ويبطّـح أياديـــه