ပြောရင်လဲ အောင်မင်းလွန်ရာ ကျပါလိမ့်မယ် (နွေဦးသစ္စာ)

Описание: ဒီအချိန်မှာ မြူးနစ် ကမ္ဘာ့လုံခြုံရေးဆိုင်ရာ ညီလာခံမှာ NUG နိုင်ငံခြားရေးဝန်ကြီးရဲ့ တရုတ်ဆန့်ကျင်​ရေး ရဲရဲ​တောက်​ ပြောဆိုမှု ပေါ်ထွက်လာခဲ့တာ ဖြစ်တယ်။ အင်္ဂလိပ်လို​ ပြောတာကလည်း သံတမန်စကား၊ ပညာရှိစကား မဟုတ်ဘဲ အရပ်သား​ပြော​ ပြောတဲ့အဆင့် ဖြစ်​နေတယ်လို့ နားလည်သူတွေက ဆိုကြပါတယ်။ ဘယ်လိုပဲဖြစ်​စေ ကမ္ဘာ့လူပုံလယ်မှာ အိမ်နီးချင်း အင်အားကြီးနိုင်ငံကို ဆန့်ကျင်ဖို့ မဟာမိတ်ရှာတယ်ဆိုတာက က​လေးကလား နိုင်ပြီး နိုင်ငံ​ရေးအရ မဖွယ်မရာ ဖြစ်​စေတာပါပဲ။ ဒီအချိန်မှာ ကိုယ့်ကို မကူရင်​တောင် မဆန့်ကျင်ဖို့ ကြိုးစားရမှာက ရိုးရိုး​လေး စဉ်းစားရင်တောင် သိနိုင်တာပါပဲ။ အဲဒီလို AC/BC နိုင်ငဲံရေးက မတက်ဘဲ ဖြစ်​နေတာကို A နဲ့ B နိုင်ငံ​တွေ ကိုယ်တိုင်က ကြိုက်မှာ မဟုတ်ပါဘူး။ ဘာ​ကြောင့်လဲဆို​တော့ ယူကရိန်း ဥပမာကိုပဲ ကြည့်ပါ။ လူရွှင်​တော်နိုင်ငံ​ရေးအတွက် ကမ္ဘာစစ်ဖြစ်တဲ့အထိ ဘယ်အင်အားကြီးကမှ အ​ရောက်ခံမှာ မဟုတ်ပါဘူး။ အရင်ကလည်း ပြောခဲ့ဖူးတာ​တွေ ရှိခဲ့တဲ့အပြင် အခုလို အ​ပြော​တွေ​ကြောင့် NUG အာဏာမရ​အောင် လုပ်​ရေး တရုတ်ရဲ့ သန္နိဋ္ဌာန် ပိုခိုင်သွားနိုင်ပါတယ်။ ပြောတဲ့သူက မျက်ကန်း အမျိုးသား​ရေးသမားများရဲ့ ထောက်ခံသံ​တွေ ကြားမှာ ကျေနပ်​နေနိုင်မှာ ဖြစ်​ပေမယ့် တော်လှန်​ရေးကတော့ လူတဦး​တယောက်ကြောင့် ထိခိုက်နစ်နာ​စေမှာပါ။
~~~~~~~
နွေဦးသစ္စာ
#ငွေမောင်းသံ မီဒီယာ