Sağlam Övlad Böyütmək Üçün TƏBİİ MENYU - Reseptlər

Описание: Bu cür xəbərlərin ünvanı: http://faktor.az/#
Videonu bəyənməyi və əməyə sayğı naminə abunə olmağı unutmayın. Sevgi və sağlıqla qalın.
Altı aya qədər hər bir ana mütləq körpəsini südlə bəsləməlidir. Heç bir əlavə qida verilməməlidir, sudan savayı. Yeddinci aydan başlayaraq, az-az əlavə qidalar verilməlidir. Şirə 3 damcıdan, yemək bir çay qaşığı miqdarından başlamalıdı. Körpə üçün keyfiyətli qablar seçilməlidi. Yaxşı olar ki, körpənin çay qaşığı təmiz gümüşdən olsun.

Körpəyə yalnız yerli, mövsüm meyvə-tərəvəzi vermək lazımdı. Çalışmaq lazımdı körpələrə hazırlanan qidalar öz təbiliyini itirməsin. Tərəvəzləri, meyvələri də tərkibi dəyişməsin deyə, bişirmək olmaz. Bəzən analar kartof püresinə qatıq qatırlar, əslində olmaz. Heç bir meyvəni və ya meyvə şirəsini qatqı şəklində körpəyə vermək məsləhət deyil. Kartof püresi, kəsmik, şit şor, süzmə, alma rəndənin lap xırda gözündən keçirilməlidir.

Təbii qida menyusu:

Alma püresi - alma plastik sürtkəcin xırda gözündən keçirilir .

Ərik püresi - əgər movsümü deyilsə, axşamdan bir neçə ərik qurusunun üzərinə qaynar su tökülür, ağzı örtülür ki, səhərə kimi dəm alsın. Səhər əriklər sürtkəcdən keçirilir. Dəm suyunu da uşağa su əvəzi içirmək olar.

Kartof püresi - bir az duz, bir az duru yağ, su qatmaq olar.

Kəsmik - uşağa verəndə şirin olması üçün ya rafinə olunmamiş şəkər, ya da çiy mürəbbə (çiyələk, qarağat, moruq və.s) qarışdırmaq olar.

Şorba -0.5 stakan qaynar suyun içinə 1 çay qaşığı yağ, duz, göyərti, 1 ədəd kök, yarım kartov, 1 ədəd soğan, yarım pomidor, yarım bibər, 1 diş sarımsaq atılır. Bunlar rəndədən keçirilmiş halda tökülür. 10 dəqiqə ağzı örtülü halda dəm alır və blendordan keçirilir . Ümumiyyətlə yeməklər də mövsümə görə hazırlanır. Əgər pomidor, bibər mövsümü deyilsə, istifadə edilməməlidi.

Herkules - 0.5 stakan qaynar suya 2 xörək qaşığı üyüdülmüş herkules tökülür, 10 dəqiqə dəmlənir. Hazır olduqda ona rafinə olunmamış şəkərə qatılmış 1:1 üyüdülmüş qoz, fındıq qatılır . Herkulesi süddə bişirib içinə çiy mürəbbə də qatmaq olar. Bu cür qidanı qarabaşaq, bulqur qarğıdalı, buğda üyüdülmüşü ilə hazırlamaq olar.

Balqabaqla süd - 0.5 stakan qaynar südün içinə 2 spiçka qabı boyda soyulmuş, rəndədən keçirilmiş balqabaq tökülür və 10 dəqiqə dəmə qoyulur. Sonra blendordan keçirilir rafinə olunmamış şəkər qatılır.

Düyü ilə süzmə - 3 xörək qaşığı düyü suda bişirilir. Suyu tam çəkiləndən, soyuyandan sonra buna 2 xörək qaşığı təzə süzmə və çiy mürəbbə qatılır, blendordan keçirilir.

Firni - 1 stakan südün içinə 40 qr. düyü unu tökülür və şəkər qatılaşıb qaynayana kimi qarışdırılır. Hazir olduqda üzərinə darçın səpilir. 50 qr. toyuğun döş əti bişirilir, 1 ədəd kabak rəndədən keçirilir, 1 ədəd soyulmuş pomidor, 2 xörək qaşığı qatıq qarışdırılır və blendordan keçirilir.

Körpələrin qidası haqqında analar bunları bilməlidir: mannı qan faizini aşağı salır, qarabaşaq qan artırır, düyü uşağı sərin saxlayır, dəmir sürtkəc meyvənin tərkibindəki vitaminləri parçalayır, çox düyü istifadə etmək qəbzlik yaradır, herkules, kök qarnı yumşaldır.
Tahirə


Facebook səhifəmiz:   / saqlamliqiniziqoruyun