《開訪》EP14 居法港人網紅 最愛Do姐梅姐 Sony感激香港有followers

Описание: ‪@boxchannel7957‬ 最新一集《開訪》嘉賓，請來法國網紅兼棟篤笑藝人Sony Chan（陳茗倫）！呢位居法港人，1987年移民法國，大學建築系畢業，做過建築師，後轉行做時裝買手，再撈過界做埋幕前，開始寫作同棟篤笑演出又做電視主持，喺法國打出名堂，2018年重返香港開棟篤笑《法瘋Show之熟女心經》、2020年《香港小姐與法國佳麗》，到最近剛舉行完4場嘅《靚在瘟疫蔓延時》，票房秒殺場場爆滿，有唔少香港鐵粉！

食正疫情時代，Sony話點都要靚！「可能大家冇得去旅行，同埋個氣氛都幾特別啦，所以好需要笑下囉！其實我由細到大都超級貪靚，日日都當賀台慶！依家COVID，其實更加要警惕自己，大環境最消沉嘅時候，扮靚係會幫到自己，提升返個士氣呀！」

男兒身女兒心嘅Sony，有個拍拖22年嘅法國大廚男友，因為疫情法國封城搞到6個星期冇見過男友，「第一次lockdown有啲新鮮感，覺得好似幾得意喎，lockdown完大家又重見天日，又估唔到法國都有兩次lockdown，第二次就hea hea哋！好犀利呀，我有六星期冇見過我男友，好在我見返佢之後，覺得係錦上添花、係開心嘅，所以就冇散到囉！」

Sony從小已經貪靚，更加愛扮女明星，「我80年代未移民嘅時候，都係睇Do姐嘅劇！我喺法國做電視、喜劇或者棟篤笑，好多嘢都係80年代一路睇香港嘅嘢偷師㗎！我由細到大都發明星夢，我學過無數個香港女演員，你講得出嘅，我都會學過，你講唱歌，我又會扮小鳳姐，最鍾意扮小鳳姐，當然有梅姐啦；影后級張曼玉、吳嘉麗，我都好鍾意㗎！」

遊走兩性之間，隨心所欲做自己，不過Sony都話其實介意別人點睇㗎，「我都係一個幾頑強嘅人，所以無論人哋講咩都好，或者令到我介意都好，我最終我都係返番去自己day 1個decision，我會介意，但唔代表我會改變囉，我都係會忠於自己！我由細都係發姣發躉，你話係咪一定要好女性化或者男性化，我幾flexible㗎，我覺得最緊要自己鍾意就得，最緊要就係自由！我想像唔到，點解我會為一個藐一藐我嘅人，去改變我成世decision囉！」

永遠心繫香港，更加以港女自居嘅Sony，最懷念香港嘅咩呢？有咩最想同香港粉絲講？即刻去片啦！

訂閱盒子YT頻道同步睇片：https://bit.ly/3IKTh8l

#盒子 #boxchannel #開訪 #SonyChan #居法港人 #法國網紅 #棟篤笑 #靚在瘟疫蔓延時 #男女 #港女 #鄭裕玲 #梅艷芳 #移民 #法國 #網紅 #香港 #娛樂

-----------------------
記得follow晒呀
FB：https://bit.ly/2WlzyYF
YT：https://bit.ly/3guXGz0
IG：https://bit.ly/3n0YIHg