Highlights: Super sayang

Описание: Kagabi, January 2, isang thanksgiving salu-salu ang binuo ng Viva Films para sa buong #TeamMiracle—mula sa mga artista nito hanggang sa promo team—sa Draft Resto-Bar sa Ayala Malls The 30th sa Pasig.

Earlier that day ay nagpa-Thanksgiving Mass muna sa opisina ng Viva sa Tektite Tower, Ortigas Center.

Ang thanksgiving dinner ay dahil syempre sa mainit na pagtanggap ng publiko sa Miracle in Cell No.7 na bagama’t hindi pa pormal na dine-deklara as the topgrosser in this year’s Metro Manila Film Festival ay usap-usapan nang siyang nagpataob sa trono ni Vice Ganda bilang MMFF royalty.

Masayang nag-reunion ang buong cast—led by Aga Muhlach and Xia Vigor—and production team ng #Miracle kagabi at puno nang tawanan nilang sinariwa ang filming process. Sayang nga lang at wala si Bela Padilla dahil nagba-bakasyon pa ito sa Japan habang nagtataka naman ang lahat na si Mon Confiado na present sa lahat ng promo leg ay sa gabing ito pa nag-absent. Maliban kay Mon ay present lahat ng inmates pati na si warden (John Arcilla).

Present din ang halos buong del Rosario Family ng Viva led by Boss Vic del Rosario na tinukso-tukso pa ni Aga na nakakagulat daw ang pagbababad at pag-stay ng late sa party.  

Masaya at very positive ang vibes ng lahat kagabi na umabot pa sa konting kantahan at sandamakmak na kantiyawan. 

Ang saya lang!