Reer gaalkacyood iyo sharciga yaa u garanqi doona ? || Cismaan Yusuf keeno-diid 1953 || gabay qoraal

Описание: Waxan u Mahad celin bahda nagu xiran ee na gaarsiyey 2k subscribe aad baad u mahadsantihiin dhamaantiin jallayaal sharafi korkiina ha ahaato ❤️🙏🏾

....…....................................................................

Gabaygii yaa u garanqi doona ?
Wax yaalaha Cismaan keeno-diid leeyahay 'yaa u garnaqi doona' waxay yihiin 
gabay yaqaanka iyo gabay gowraca,
Ingiriiska iyo Jamaal Cabdi Naasir.
Wadaaddadii hore iyo dhalin yaro hada kacday.
leegada iyo kuwo ka soo hor jeeda.
godadlaha iyo goonbaarta.
Duqowda talisa iyo geesiyaal dibadda jira.
laandheeraha iyo laangaabka.
gabdhaha iyo xilka,
gacalada tolka iyo dabakannaaxa.
caasiga iyo waalidka.
waayeelka labaggallaha ah iyo bahdiisa.
jaasuuska arlada iibsanaya iyo waddanka.
dadka oo midba qummanihiisu qoorta ugu jiro.
goosanka afka iyo kuwa Af-soomaliga neceb.
Dadka madow iyo nabsiga.
#Reer Galkacyood iyo sharciga

qaybaya gabayga ka maqan ee muuqalka ku jirin xagaan ka akhriso asagoo qoraal ah



Waayeel gurracan oo caqligu gaasir ka ahaaday.

Aan labaggallayntiyo dembiga gelinna dhaafaynnin

Gujiyo ceeb ma waayee bahdiis wuxuu u geystaaba

Goortay gefkiisa istusaan yaw garnaqi doona?

Galladaha illaahay iyo xurmada garab mar jaajuuse

Wuxuu galabsanaayaa waxdaran guuldarraystuhuye

Garaaddada la siin waxaa ag taal geeri foolxumo'e

Kuwa ganacsanaayiyo arlada yaw garnaqi doona?

Gargeyrtiyo guddoonshaha kiciyo gaban aan qaangaarin 

Gurbood meeldhexaadiyo oday gaabiyiyo naago

Mid waliba inuu gaan yahuu gaashana hayaaye

Dadba hadduu garaad miiran yahay yaw garnaqi doona?

Afka inaku gaariyo codka laysku garanaayo

Niman baa gensadey oo ka jecel mid ayan gaareyne

Ugumana garawsana raggii goosanka ahaaye

Labada ra'yoo kala geddoon yaw garnaqi doona?

Intii gibil madow adduunyadaan gooni laga yeelye

Gargaar kuma qabaan uumiyaha gaaliyo islaane

Gaadiid in laga wada dhigtaa loo gol leeyahay e

Sida loo gelaayiyo nabsiga yaw garnaqi doona?

Ayaan noolba gaas baxa hayiyo geel la kala qaadi 

Guunyada la kala meersan iyo guutada isdhaafi

Ragga gowrac lagu jiidayee goob walba yaalla 

Galbeedkiyo xagga bari fidnada labada geesood ah

Gudaha beledka geyriyo colaad la isgurreynaayo

Guddi belo gar wada leexsan iyo xaal aan go'a haynnin 

Odayaal guurguurana hayoo goor xun soconaaya

Reer gaalkacyood iyo sharciga yaw garnaqi doona?


#idaajaa #dhaqankasoomaalida #gabay #galkacyo #mudug#somalia #reer_galkacyood _iyo_sharciga‪@WaddaniSomalitv‬ ‪@VOASomali‬ ‪@HalQoysTv‬ ‪@PuntlandTV‬ ‪@arimaheenagamer5395‬ ‪@SNTVNEWS‬ ‪@abwaancamaari‬ ‪@murtidhawr‬ ‪@Qarnijoog‬ #somaliland