Pünhan və Səbuhidən ilin eksklüziv meyxanası | Pünhan Alatavalı & Səbuhi Xırdalanlı & Şakir Binəqədi

Описание: Pünhan Alatavalı:

Mən sözün eşqiylə atəş yaxmışam közdən böyük
Görsənən gözdən kiçikdir göstərən gözdən böyük
Axtarıb dünyada nemət tapmadım sözdən böyük

Söz Xudanın sirridir aşkara xəlvətdən çıxır
Müxtəlif sözlərlə məna bəhri-xilqətdən çıxır

Söz vəcahət vadisində gizli bir gəncinədir
Məskəni yalnız bəla dəştində yanmış sinədir
Xaliqin əsrarı xəlq olmuş nə bilsin ki nədir

Xəlqə ağzın sirrini hər dəm qılır izhar söz
Bu nə sirdir ki olur hər ləhzə yoxdan var söz

Gər çox istərsən, Füzuli, izzətin, az et sözü
Kim, çox olmaqdan qılıbdır çox əzizi xar söz

Kim sözün mənasız artırmışsa izzətdən çıxır
İzzətin əldən verənlər istiqamətdən çıxır


Bəndə olmaqdırsa məqsəd eşqə yalnız bənd olun
Qalib olmuş qəhrəmanın sən də bir qaldır qolun
Eşq işıqlandırdı aşiqlər üçün həqqin yolun

Qəd ənarəl-eşqə-lil-üşşaq min hacəl hüda
Saliki-rahi-həqiqət eşqə eylər iqtida

Ey Füzuli intəhasız zövq buldum eşqdən
Böylədir hər iş ki həqq adıyla qılsan ibtida

Zövqə bais zikrimizdir bəhsi-hikmətdən çıxır
Aqibət məhrum olanlar məhrəmiyyətdən çıxır


Baxma Məcnun olmaq üçün istedadım yox mənim
Səndən özgə varlığa qəlb etiqadım yox mənim
Çün bilirsən səndən ayrılmaq muradım yox mənim

Şöleyi-şəmi-ruxun əğyarə bəzməfruz olur
Ah kim yetkəc mənə, bir bərqi-aləmsuz olur

Saidin zövqüylə tərk etmiş Füzuli aləmi
Meyli-səhra eyləməz hər quş ki dəstamuz olur

Tərki-aləm qılmayan aşiq həqiqətdən çıxır
Əl quşu torpağa meyl etdikdə adətdən çıxır

_____________________________________________

Hacı Səbuhi Xırdalanlı:


Haqqa yetməkçün xəyalımdan xəyaı olmaq keçir,
Xatirimdən daxili-əhli-kamal olmaq keçir,
Yəni könlümdən üzün görsənsə lal olmaq keçir

Heyrət, ey büt, surətin gördükdə lal eylər məni
Surəti halım görən, surət xəyal eylər məni.
Ey Fizuli qılmazam tərki-təriqi-eşqi ki,
Bu fəzilət daxili-əhli-kamal eylər məni...

Kim kamal əhlinden ayrılmış fəzilətdən çıxır,
Daxil olmuşlar həqiqətçün təriqətdən çıxır.


Kim bəlaya səbr edersə aqibət məhşur olar,
Dözməyən hicrana yoldan çıxmağa məcbur olar,
Yanmayan pərvanə şəmin dövrəsindən dur olar

Ney kimi, hər dəm ki, bəzmi-vəslini yad eylərəm
Ta nəfəs vardır quru cismimdə fəryad eylərəm
Lövhi-aləmdən yudum əşkiylə Məcnun adını,
Ey Fizuli men dəxi aləmdə bir ad eylərəm

Aşiq üçün vəslə bir yol varsa həsrətdən çıxır
Yaxşı bir sözdür deyiblər ruzi zəhmətdən çıxır.


Əqlimizlə eşqimiz etməz əzəldən məşvərət
Bir bəla həllində təsir eyləməz min məsləhət
Sərvərəm ta tapmışam eşq üzrə kamil səltənət

Məndə Məcnundan fizun aşiqlik istedadı var,
Aşiqi sadiq mənəm Məcnun ancaq adı var,
Ey Fizuli eşqi mənim qılma nasehdən qəbul,
Əqli tedbiridir o,sanma ki bir bünyadı var,

Sən çırağı neyniyirsən gün məhəbbətdən çıxır
Kim günəş ardınca düşmüş nura zülmətdən çıxır.

_____________________________________________

Qobu, Uğurun 1 yaşı 2025

Söz Xudanın sirridir aşkarə xəlvətdən çıxır
Müxtəlif sözlərlər məna-bəhri xilqətdən çıxır

Pünhan Alatavalı
Hacı Səbuhi Xırdalanlı

Çəkiliş: Orxan Kərimli

Punhan Azim Rəsmi YouTube kanalına xoş gəlmisiniz.
Kanalımız Pünhan Azimin nəzarəti altında xiridarı tərəfindən idarə olunur.
Kanalda yerləşdirilən bütün video və audio materialların müəllif hüquqları qorunur.
Paylaşılan materialların başqa kanallara yüklənilməsi qəti qadağandır, əks halda kanalınız YouTube tərəfindən şikayət olunaraq bağlanacaq.

®️Punhan Azim
©️Esa Muzik

#meyxana #punhanalatavali #sebuhixirdalanli #xosrovmaştağali #sakirbineqedi #2025