4 nəfər şəmkirli quldurluğa görə saxlanıldı, birinin evindən tapança çıxdı

Описание: Şəmkirdə quldurluq etməkdə şübhəli bilinən şəxslər saxlanılıb.

APA TV-nin yerli bürosunun verdiyi məlumata görə, Şəmkir Rayon Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində quldurluq etməkdə şübhəli bilinən rayon sakini Salman Mustafayev, tanışları Nizami Əhmədzadə, Rasim Süleymanov və qardaşı oğlu Eynur Mustafayev yaxalanıb.

Rayonun Yuxarı Seyfəli kənd sakininin yaşadığı fərdi yaşayış evinə naməlum şəxslərin qeyri-qanuni yolla daxil olması, ev sahibinin əl-qolunun bağlaması, pul və qızıl-zinət əşyaları tələb etməsi barədə Rayon Polis Şöbəsinə daxil olan məlumata əsasən keçirilən əməliyyat zamanı məlum olub ki, təqsirləndirilən şəxslər əvvəlcədən qurduqları plan üzrə 3 müxtəlif avtomobil ilə Seyfəli kəndinə gəliblər.

Salman və Eynur Mustafayevlər evin kənarında gözətçilik etmiş, Nizami Əhmədzadə və Rasim Sülymanov evə qanunsuz daxil olub ev sahibinin əllərini, ayaqlarını və ağzını yapışqanlı lentlə bağlayaraq, sonuncuya müxtəlif xəsarətlər yetiriblər. Pul və qızıl zinət əşyaları əldə etmək arzusunda olan şəxslər axtardıqlarını tapmadıqda isə ev sahibinin cibindəki 6 manat nağd pulu götürərək hadisə yerini tərk ediblər.

Quldurluq hadisəsini törətməkdə şübhəli bilinən Salman Mustafayevin evinə baxış keçirilən zaman evdən 1 ədəd istifadəyə yararlı “TT” markalı tapança, həmin tapançaya məxsus 1 ədəd sandıqca və 9 ədəd atəşə yararlı patron aşkar edilərək götürülüb.

Faktla bağlı araşdırmalar davam etdirilir.




✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi twitter səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...

Copyright © APA TV






















#apatv #SalmanMustafayev #NizamiƏhmədzadə #RasimSüleymanov #EynurMustafayev #apaxeber