MARUXIÑA DO FORNEIRO

Описание: Son dos que penso que, así como nos barrios hai coles e institutos de primaria e secundaria, en troques de propor facer universidades da gaita debera haber escolas e institutos. Xa logo do que de ahí saia podemos pensar en conservatorios de música profesional e outras caralladas.

Eu para montar un grupo de barrio case prefiro escoller estas cantigas que todos mais ou menos saben e cantan que outras pezas mais sofisticadas.

Maxinade o traballo e a práctica que se precisan para controlar a gaita e maxinade que agás desto temos que memorizar unha melodía que nunca escoitamos...

Agora maxinade o mesmo pero como peza para práctica en troques do pasodoble de Vigo a Santiago poder aprender a tocar a Carolina, o caneco ou a Maruxina do forneiro como pode ser o caso.

Por outra banda pensemos no magosto do barrio, na festa patronal ou pola noite de San Xoan a sardiñada... por qué gaiteiros van ser as festas dos barrios amenizadas? Polos estudiantes profesionais? pola banda de Carlos Nuñez? pola sinfónica de Praga?

Pois esa é a idea, aprender a tocar a gaita polo simple feito de aprender a tocar a gaita, pola sociedade que entre veciños montamos e como non, pola fanfarria e pola veciñanza.

Todo pode ser moito mais doado e todo pode estar mais achegado a tradición con estas cativas cousas sen tanta fanfarronada encorsetada.

Logo virá o que teña que vir e logo bulirán polos palcos do mundo mundial os mais botados pra diante sen que teñamos que manter niveis de profesionalismo nos barrios.

Maruxiña do forneiro. Ala