කතරගම දෙවි උපත Katharagama devi upatha (උප්පත්ති කථාව)

Описание: කතරගම දෙවි උපත නොහොත් මුරැගන් දෙවි උත්පත්ති කථාව (උප්පත්ති කථාව)
|
ඊශ්වර දෙවියො සුවෙන් කාලය ගත කරන ගමන් ගෙදර වැඩට බෂ්ම කියන අසුරයෙක් තියාගෙන හිටියා. මේ බෂ්ම අසුරයා දෙවියන්ට යටහත් පහත්ව සේවය කරගෙන සිටී නිසා ඊශ්වර දෙවියො කල්පනා කරා මේ අසුරයට වරයක් දෙන්ඩ. එහෙම හිතල අසුරයට කියනවා " බෂ්ම කමති දෙයක් ඉල්ලන්ඩ ඔයාට වරයක් දෙනව" කියල.

ඉතින් මේ බෂ්ම අසුරයා ඊශ්වර දෙවියන්ව රවටගෙන තමයි හිටියේ. එහෙම හිටියාට මොකද, ඊශ්වර දෙවියන්ගෙන් පලි ගන්ඩ බලාගෙන තමයි කාලයක ඉදන් ඉදලා තියෙන්නේ.

ඔන්න බෂ්මට වෙලාව ආවා, අසුරයා ඉල්ලුවා ඊශ්වර දෙවියො ගාව තිබ්බ වටිනාම මන්ත්‍රය. (ඒය අතට ජප කරලා, කාගෙ හරි ඔලුවෙන් තියපු ගමන් ඔලුව අයිති කාරයව අලු වෙලා යනවාලු, .)

ඔන්න ඉතින් ඊශ්වර දෙයියොත් අසුරයාට මන්ත්‍රය දුන්නා, කරන්න දෙයක් නෑනි. දෙන්න වෙනවා. මොකද තමන් දුන්න වරයක්නෙ. ඔන්න ඔතනදි තමයි අසුරයගෙ බලු ගතිය එලියට ආවෙ. මේකා මොකද කරේ දන්නවද, මන්තරේ උගෙ අතට මතුරගෙන මන්තරේ ටෙස්ට් කරන්ඩ ඊශ්වර දෙවියන්ගෙ ඔලුවෙ තියන්ඩ ආවෙ. ඉතින් ඊශ්වරගෙන්ම ලබාගත් මේ බලගතු මන්ත්‍රය භාවිතා කරලා, එයින් ඊශ්වරයා විනාශකර උමයංගනා නැමති සුරංගනක් බදු කාන්තාව පැහැර ගැනීමට සූදානම් තමයි සූදානම් උනේ. මේකට භය වුනු ඊශ්වරයන් භයෙන් තැන තැන දුවමින් සැඟවී සිටින්නට වුනා.

මේ විනාශය දුටු බලගතු විෂ්ණු දෙවියෝ ඊශ්වර දෙවියන්ව බේරන්න සිතාගෙන සුරගනක් වගේ ස්ත්‍රී රූපයක් මවාගෙන අසුරයා එන පාරේ සිටියා. අසුරයා ඈත එන අවස්ථාවේ විෂ්ණු දෙවියෝ ඔන්චිල්ලාවක් මවාගෙන ඔන්චිලි පදිමින් තමයි හිටියේ.

උමයංගනාවට වඩා ඉතා ලක්ෂණ මේ සුරංගනාව දැක්ක අසුරයාට කාම සිත් පහළ වුනා. සිත බැඳීලා ගියා. ඇය ඉතාම ලස්සනයි. ඉතින් ඒ නිසාම ඇය සමඟ විවාහ වීමට යෝජනාවක් කරා. ඉතින් ඒ වෙලාවේදි මේ කාන්තාව තරමක් ආඩම්බර ගති පෙන්වමින් කිසි දින මා අත් නොහරිනවා කියලා තමාගේම හිසෙහි අත තියලා දිවුරන්න කියලා කිවුවා. ගැහැනියට ලොල්ව සිටි අසුරයාට තමාගේ අතට මන්ත්‍රය මැතිරෑ බව දැන් අමතක වෙලා, ඒසැනින් තමාගේම හිසෙහි අත තියාගත්තා. වචන කියන්නට මත්තෙන් ඒ සැනින් අසුරයා දැවී පිළිස්සී අලුවී ගියා.

ඉන් පසු ඊශ්වර දෙවියන් ද එම රූමත් සුරංගනාව කෙසේ හෝ දැකලා ඇය කෙරෙහි ආල සිත් පහල වෙලා තියනවා. ඊශ්වර දෙවියන් ද විවාහ වීමට යෝජනවක් ගේනවා. අන්න එතකොට ඒ සුරූපී කාන්තාව කියනවා උමයංගනාවගෙන් අවසර අරන් එන්න කියලා. ඉතින් ඒ යෝජනාවට කැමති වෙලා ඊශ්වර තම භාර්යාව වන උමයංගනා දේවියගෙන් අවසර ඉල්ලනවා, අවසර අරන් ආපසු එන විට ලස්සන සුරංගනාවි පුතෙකුන් ලබා සිටිනවා. ඉතින් මේ සුරංගනාව නැවත ඊශ්වර දෙවියන්ට කියනවා. මට දැන්එ පුතෙකු ඉන්මන නිසා ඒ පව පවසා නැවත අවසරය අරන් එන්න කියලා. ඉතින් ආපසු අවසරය ලබා එන විට තවත් පුතකු හම්බෙලා. දැන් දෙන්නයි. ආපහු මේ සුරංගනාවක් බදු ගැහැනිය කියනවා දැන් පුතුන් දෙදෙනෙක් ලැබූ කාන්තාවක් නිසා නැවතත් ඒ බව පවසා අවසරය අරගෙන එන්න කියලා. ඒ අවසරය අරන් එනකොට පුත්‍රයන් තුන්දෙනෙක් බවට පත් වෙලා. නැවතත් අවසර අරන් එන්න කියා පවසනවා. ඉතින් මේ ආකාරයට පුතුන් 6දෙනෙක් වෙනකන් නැවත නැවත අවසර ඉල්ලන් එන්න ආපසු හරවා යවනවා. 6 වෙනා අවස්ථාවේදී උමයංගනාව දේවිය පුලුම වෙනවා මේ කරැණ අහලා. ඊශ්වර දෙවියන්ට සමග උමයංගනා දේවියත් යනවා මේ කවුද බළන්න. එසැනින් මේක නම් විෂ්ණු දෙවියන්ගේ වැඩක් කියලා බව වැටහී, මේ නම් කුමාර කන්දක් බව කියමින් දෑතින් පුත්‍රයින් 6 දෙනා එකට බදා ගන්නවා. එම අවස්ථාවේ ශරීර 6ම එකක් වූ බවත්, එක් ශරීරයක් තුල මූහුණු හයක් සහ අත් දොළහක් ඇති වූ නිසා ස්කන්දකුමාර යන නම ඒ දරැවාට ලැබුනු බව එක් ජන ව්‍යවහාරයකින් කියවෙනවා..





වෙනත් නම්
ස්‌කන්ධ කුමාර, කඳ කුමරු, කඳ සුරිඳු, කන්ද කුමාර, කදිර දේව, ස්‌කන්ධ යන නම් සිංහලයන් අතරද, කාර්තිකේය, සරවනභව, මුරුගන්, කන්දසාමි, ශන්මුගම්, සුබ්‍රමනියම්, ආරුමුගම්, වේලුපිල්ලෙයි යන නම් ද්‍රවිඩයන් අතරද ඉතා ප්‍රකටය.



ලංකාවට පැමිනීම
‍කතරගම දෙවියන් අදහන පිරිස්‌ අතර සිංහල බෞද්ධයන් මෙන්ම ද්‍රවිඩ හින්දු භක්‌තිකයෝද වෙති. ඔවුහු නොයෙකුත් මතවාද සහ තර්ක විතර්ක ගෙනහැර පාමින් කතරගම දෙවියාට අයිතිවාසිකම්ද කියති. බෞද්ධ මතය අනුව ඔහු බෞද්ධ දෙවි කෙනෙකි. හින්දු පිළිගැනීම අනුව ඔහු වේද ග්‍රන්ථවල එන හින්දු දෙවි කෙනෙකි. මේ මත දෙකටම සාධාරණ හේතු සාධකද තිබේ. එහෙත් ඉන් වඩාත් සත්‍යයට ළංවන්නේ කවර මතයක්‌ දැයි විමසීම අපේ අදහසය. කෙසේ නමුත් මෙම ලිපිය අවසාන කොටසේ මේ පිළිබදව පුවත් පතක පළ වු ලිපියක් උපුටා දක්වා ඇති අතර එයින් විස්තරාත්මකව එය දැනගත හැකිය.

ශ්‍රී ලංකාවේ දකුණු පළාත සමඟ දඹදිවද ප්‍රදේශ කීපයක් යටත් කරගෙන අධිපති ලෙස බලවත් අසුරයෙක් තාරක නමින් සිටියා. මෙම අවදියේ දඹදිව සිට ශ්‍රී ලංකාවේ දකුණු පළාතට පැමිණි ප්‍රතාපවත් බලයක් හා ශක්තියක් ඇති
කඳකුමරු