Shpërthen Albano Bogdo: Artistët në Shqipëri janë një M*T i madh! Ja çfarë ndodhi në studio

Описание: Aktori Albano Bogdo ka shpërthyer me tone të ashpra ndaj situatës ekonomike dhe sociale në vend, duke e cilësuar faturën e energjisë elektrike si makthin më të madh të familjeve shqiptare.
I ftuar në studion e QUO VADIS, Bogdo theksoi se askush nga artistët nuk guxon të flasë hapur për nevojën e rritjes së pagës mesatare dhe minimale në Shqipëri.
Sipas tij, me një pagë rreth 500 mijë lekë të vjetra, qytetarët mezi përballojnë jetesën, ndërkohë që politikanët jetojnë në luks.
Bogdo nuk i kurseu kritikat as për komunitetin artistik, duke deklaruar se shumë prej tyre, sipas tij, nuk e thonë të vërtetën publikisht dhe zgjedhin të heshtin përballë problemeve reale të shoqërisë.

“Fatura e dritave është makthi më i madh i familjeve shqiptare. Asnjë artist apo media nuk del të thotë që paga mesatare duhet të rritet. Me 500 mijë lekë të vjetra, sa ç’mund të jetë paga jonë, ata që janë në pushtet blejnë vetëm të brendshmet e tyre. Të brendshmet më të lira që ata kishin kushtonin 500 mijw lekë, po ne, sa do ta kemi pagën minimale?
Askush nuk guxon të thotë se ka 40 vjet që vidhet nafta shqiptare, që kur ka ardhur demokracia. Dhe nuk e kam fjalën vetëm për Ramën, por për të gjithë bashkë, që nga Ismail Qemali e deri te ky që është sot. Ne duhet të kishim ujë, drita dhe naftën tonë falas, por ne e blejmë më shtrenjtë se çdo vend tjetër në rajon, ndërkohë që na vjedhin qindra miliona.
Kjo është kartolina ime për Vitin e Ri. Artistët në Shqipëri janë një m*t i madh, të gjithë gënjejnë. Askush nuk e thotë të vërtetën në sy. E vërteta është që jemi një komb me fat të keq dhe shyqyr që kemi këto festa që të takohemi e të puthemi me njëri-tjetrin. Kjo është kartolina ime. Kaq, nuk kam asgjë tjetër për të shtuar”, tha Albano.

#quovadis #vizionplustv #pranveraborakaj