Кадет очень смело говорил с Лукашенко. Теперь уехал из Беларуси

Описание: Памятаеце кадэта, які смела выступіў на сустрэчы з Лукашэнкам у 2022 годзе? Тады Захару Аўчыннікаву было 16. Ён разважаў пра слаўнае мінулае Беларусі і сумленна адказваў на пытанні Лукашэнкі пра Другую сусветную вайну ды СССР. Той беларускамоўны выступ хлопца стаў сапраўдным хітом ютуба.

Праз год Захар паступіў на юрыдычны факультэт Санкт-Пецярбургскага ўніверсітэта. Але потым атрымаў позву ў войска і узяў акадэмку.

"Каб не расчаравацца ў самім сабе, не падвесці ўсіх, дзякуючы каму я ствараю самога сябе, і каб у канцы не было сорамна, я буду непахісна ісці наперад да вялікай мэты-мары дзеля сваёй роднай вялікай і шматпакутнай Беларусі, Братоў і ўсяго свету!" - напісаў Захар у інстаграме ў красавіку.

Ён служыў у 103-й паветрана-дэсантнай брыгадзе, а пасля звальнення вярнуўся вучыцца ў Расію.

«Прачытаў 63 кнігі, атрымаў новыя веды і ўменні. У галаве дзясяткі планаў. Хто, калі не мы, зменіць гэты свет? Ніхто, акрамя нас!" - разважае хлопец.

Цяпер Захар працягвае весці сацсеткі па-беларуску, а ў вольны час як валанцёр дапамагае бяздомным жывёлам.