Thirumagal ulavum thirupugazh

Описание: திருப்புகழ் (முருகப் பெருமானுக்கு அர்ப்பணிக்கப்பட்ட பக்திப் பாடல்) "திருமகள் உலவும் திருப்புகழ்" என்ற வரியானது லட்சுமி தேவியின் (திருமகள்) பிரசன்னத்தையும், முருகப் பெருமானுடன் தொடர்புடைய புகழையும் (திருப்புகழ்) குறிக்கிறது. இந்த பாடல் பொதுவாக முருகனின் தெய்வீக குணங்கள், நற்பண்புகள் மற்றும் பக்தர்களுக்கு அவர் வழங்கும் அருளைப் போற்றுவதில் கவனம் செலுத்துகிறது.

குறிப்பாக, திருமகள் (லக்ஷ்மி தேவி) என்று குறிப்பிடுவது செல்வம், செழிப்பு மற்றும் நல்வாழ்வைக் குறிக்கிறது, இந்த பாடலைப் பாடுவது அல்லது பாடுவது லக்ஷ்மி மற்றும் முருகனின் அருளால் பொருள் மற்றும் ஆன்மீக செழிப்பைக் கொண்டுவரும் என்று பரிந்துரைக்கிறது. முருகனின் தெய்வீகப் பாதுகாப்பும், அமைதியும், வெற்றியும், வாழ்வில் ஒட்டுமொத்த நிறைவும் பெறுவதே இத்தகைய பாடல்களின் நோக்கம்.

LYRICS:

திருமகளு லாவு மிருபுயமு ராரி
திருமருக நாமப் ...... பெருமாள்காண்

செகதலமும் வானு மிகுதிபெறு பாடல்
தெரிதருகு மாரப் ...... பெருமாள்காண்

மருவுமடி யார்கள் மனதில்விளை யாடு
மரகதம யூரப் ...... பெருமாள்காண்

மணிதரளம் வீசி யணியருவி சூழ
மருவுகதிர் காமப் ...... பெருமாள்காண்

அருவரைகள் நீறு படஅசுரர் மாள
அமர்பொருத வீரப் ...... பெருமாள்காண்

அரவுபிறை வாரி விரவுசடை வேணி
அமலர்குரு நாதப் ...... பெருமாள்காண்

இருவினையி லாத தருவினைவி டாத
இமையவர்கு லேசப் ...... பெருமாள்காண்

இலகுசிலை வேடர் கொடியினதி பார
இருதனவி நோதப் ...... பெருமாளே.

......... சொல் விளக்கம் .........

திருமகள் உலாவும் இருபுய ... லக்ஷ்மிதேவி விளையாடும் இரண்டு
புயங்களும் உடைய

முராரி திருமருக நாமப் பெருமாள்காண் ... திருமாலின் அழகிய
மருகன் என்ற திருநாமத்தைக் கொண்ட பெருமான் நீதான்.

செகதலமும் வானும் ... மண்ணுலகிலும் விண்ணுலகிலும்

மிகுதிபெறு பாடல் ... மிகவும் போற்றிப் புகழும் (தேவாரப்)
பாடல்களை

தெரிதரு குமாரப் பெருமாள்காண் ... அளித்தருளிய (ஞானசம்பந்த)
குமாரப்பெருமான் நீதான்.

மருவும் அடியார்கள் மனதில்விளையாடு ... வணங்கும்
அடியார்களின் மனதிலே விளையாடும்

மரகதமயூரப் பெருமாள்காண் ... பச்சை மயில் ஏறும் பெருமான்
நீதான்.

மணிதரளம் வீசி யணியருவி சூழ ... மணியையும் முத்தையும் வீசி
அழகிய அருவி* சூழ்ந்து

மருவு கதிர்காமப் பெருமாள்காண் ... விளங்கும் கதிர்காமத்
தலத்துப் பெருமான் நீதான்.

அருவரைகள் நீறு படஅசுரர் மாள ... பெருமலைகள் பொடிபட,
அசுரர்கள் இறக்க

அமர்பொருத வீரப் பெருமாள்காண் ... போர் புரிந்த வீரப்
பெருமான் நீதான்.

அரவுபிறை வாரி விரவுசடை வேணி ... பாம்பு நிலவு, கங்கை
நீர் இவை கலந்த சடையுடைய

அமலர்குரு நாதப் பெருமாள்காண் ... பரிசுத்தமான சிவனுக்கு
குருநாதப்பெருமான் நீதான்.

இருவினையிலாத ... நல்வினை தீவினை என்பதே இல்லாதவர்களும்

தருவினைவி டாத இமையவர் ... கற்பகத் தருவை விட்டு
நீங்காதவர்களுமான தேவர்களின்

குலேசப் பெருமாள்காண் ... குலத்துக்கு அரசன் தேவேந்திரனுக்கும்
பெருமான் நீதான்.

இலகுசிலை வேடர் கொடியின் ... விளங்கும் வில் ஏந்திய வேடர்குலக்
கொடி வள்ளியின்

அதிபார இருதனவிநோதப் பெருமாளே. ... அதிக பாரமான இரு
மார்பிலும் களிக்கும் பெருமாளே.

Credits

Lyrics is from kaumaram.com

Singers
Saindhavi Prakash
Suchithra Balasubramanian
Vinaya Karthik Rajan
Vidya Kalyanaraman.
-------------------
Venkatasubramanian Mani - percussion