RUOL NGAI HLA| Lalramsan Hekte| Official Music Video

Описание: Naupangtea inthawkin ruol hi ka pâwl nasa êm êma, ruol ka ngaina-in ruol khawm ka hau em em a nih. Chuong ruol popo lai chun ka hringnuna pawimâw bîk ti inla, ruolṭha tia ka ko ngam khawm hi tamtak an um. Chuong ka ruolṭha hai chu ka ta dinga an hlut dân kawng a'n ang nawa, amiruokchu an kawng senga an hlu seng. An ta dingin iengkhawm thaw thei ka nei naw leiin ka thei sûn rîmawi hmangin an ta ding bîkin hi hla hi ka hung inhlân a nih.

RUOL NGAI HLA
Word&Tune- Lalramsan Hekte
Music- Bul Tlau, Scott Khawbung
Recording&Mixing- Scott Khawbung
Videography- MJ Pictures

Band-
Vocalist- Lalramsan Hekte
Guitar- Bul Tlau
Keys- Scott Khawbung
Drums- Chonga Thiek

Special Thanks-
1. Joicy Hekte
2. Amanda Ngurte
3. Vincent Hekte
4. Juliana

Lyrics-
[Verse 1]
Hun le ni liem hnung hai ka dâwn chângin,
Nunhlui ngâi lâi a thar nâwk hlak;
Ruol kima lêng lai hun ka dâwn chângin,
Ngâiin ka ko kîr rêl si lo.

[Chorus]
Ka ṭhen le ruol hai in dam tlâng am?
Inhmu nawna a sâwt ta ngei.
Muolzapui kâr dana lêng inla khawm,
Innghil zâi rêng ka rêl nâw cheu.

[Verse 2]
Puitling nun inchûk huna ka'n pâwlpui hai,
Tleitîr rûntin ka fang pui hai;
Zân ṭhanga bûr le bêl ka rawkpui hai,
Ei sûlhnung suiin lung a'n lêng.

[Verse 3]
Rinumna, Harsatna ka hmasuon lai,
Ka ta dinga um zing hlak;
Ka'n ring tâwk naw lai khawma mi ringzotu,
Ka ta di'n in lo va hlu ngei.

[Verse 4]
Lampui indik naw ka hrâw châng khawma,
Lampui indik mi kâwkhmûtu;
Chûn le zuo aia mi ngîrpuitu,
Ka tlûk huna mi keithotu.