DD News Mizoram Chanchinthar | 13 March 2026 | 6:30 PM

Описание: Mizoram leh khawvel hmun danga thil thleng hrang hrangte

Local :

Chapchar Kût lawmna pui ber, Lammual a hmanah Chief Minister leh Kut Pa ni bawk Pu Lalduhoma chuan inremna a awm theihna atan mawhphurtu nih ngam a pawimawh a ti.

Tourism Minister Pu Lalnghinglova Hmar chuan Thenzawl chu Khualzin hipna hmunpui 'Model Tourist Destination' atan thlan a nih thu a sawi.

Home Minister Pu K.Sapdanga chuan Mizoram hmasawnna chu chhimlam atangin intan mek a, Chhimlam chu Kawtchhuah pawimawh a nih thuai dawn avangin mitin ten awmzeneia an dawnsawn a, a do zawng nilo, a tangkai zawnga hman tum turin mipui a chah.

Sports Minister Pu Lalnghinglova Hmar chuan Thenzawla Women Hockey Academy tlawhin, Empowering Mizoram Sports kalpui mekah discipline ngaihpawimawh zingah Hockey chu a tel tih a sawi.

Hmar chhak state hrang hrang a sawrkar hnathawk leh zirtirtute inzawmkhawm khawmpui lian , North Eastern State Government Employees & Teachers’ United Forum (NESGETUF) Conference chu Durtlanga SIRD&PR-ah neih a ni.

Mizoram Pollution Control Board buatsaihin School leh College Eco-club-te tan; bungraw hman hlui hmanga thil hlû leh tangkai dang siamchhuah leh pho lanna leh inelna hun Waste to Wealth Exhibition cum Competition neih a ni.

Aizawl West III Bialtu Pu VL Zaithanzama chuan MLA Area Dev Fund atanga lei Lirthei (Super Carry) chu Mission Vengthlang Branch YMA hnenah a hlan a ni.

CID (Special Branch) team te chuan nizan khan Chaltlang Dawrkawn ah Crystal Meth Kg 10 chuang leh a neitu an man .

KAYAKALP, Sawrhkar damdawiin tha inelna ; Inter -District ah PHC Thingsai chu Hnahthial district ah titha ber a ni.

National :

Prime Minister Narendra Modi chuan ni hnih cham turin Assam a tlawh mek.

Prime Minister Narendra Modi chuan Chile President thar José Antonio Kast chu lawmpuina a hlan.

Khawchin hrilhlawk tu, India Meteorological Department (IMD) chuan vawiin atanga March ni 19 thleng khian Mizoram leh India hmarchhak state dangah te ruah a sur theih thu a tarlang.

Railways Minister Ashwini Vaishnaw chuan rel tlante chu za a 77%-a, a hun taka an tlan tawh thu a sawi.

Prime Minister Narendra Modi leh Iran President Masoud Pezeshkian te chuan Asia khawthlanga boruak thalo thleng mek chungchang an sawidun.

US-Israel leh Iran ibeihna a thlen chhunzawm zel avangin West Asia boruak chuan chhiat lam a pan zel.
Follow DD Mizoram:
  / ddnewsmizoram  
  / ddnews_mizoram  
  / ddnewsmizoram